Студэнты БрДу імя А.С. Пушкіна прынеслі славу нашаму ўніверсітэту ў міжнародным конкурсе на лепшы пераклад “У навукі няма межаў”

І зноў студэнты БрДУ імя А.С. Пушкіна пацвердзілі высокі ўзровень валодання замежнымі мовамі!

У гэтым годзе 547 студэнтаў з 28 універсітэтаў Расіі, 5 універсітэтаў Беларусі, 1 універсітэта Казахстана і краін далёкага замежжа (Італія, Венгрыя, КНР, Эквадор, Сірыя, Калумбія, Інданезія) прынялі ўдзел у міжнародным анлайн-конкурсе на лепшы пераклад “У навукі няма межаў”, які штогод арганізуецца ФДБАУ ВА “Расійскі дзяржаўны аграрны ўніверсітэт – МСГА ім. К.А. Ціміразева” (г. Масква).

Конкурс праходзіў у два этапы. На першым этапе (з 1 красавіка па 25 красавіка) студэнты перакладалі конкурсны тэкст адборачнага тура, па выніках якога ў другі этап выйшлі толькі прызёры (у межах трох замежных моў – англійскай, нямецкай і французскай).

Другі этап конкурсу праходзіў 28 красавіка 2021 года ў дыстанцыйнай (анлайн) форме. Удзельнікам былі прапанаваны конкурсныя тэксты двух узроўняў складанасці – для студэнтаў лінгвістычных і нелінгвістычных спецыяльнасцей. Конкурсныя заданні ўключалі пісьмовы пераклад тэксту, творчае заданне на сэнсавае прагназаванне, а таксама пісьмо-эсэ ў рамках аналізу практычнай сітуацыі.

У тэрмін да 20 мая экспертная група разгледзела конкурсныя працы і вызначыла пераможцаў у пяці намінацыях па трох замежных мовах. Для аб’ектыўнай працы журы праверка конкурсных прац праводзілася ананімна.

Студэнты Брэсцкага дзяржаўнага ўніверсітэта імя А.С. Пушкіна паказалі выдатныя вынікі: 8 удзельнікаў конкурсу сталі пераможцамі.

Пераможцы, студэнты-нелінгвісты:

Англійская мова

Галоўная намінацыя “Лепшы пераклад з англійскай мовы”

І месца: Уладзімір Мілейка, фізіка-матэматычны факультэт, ІІ курс (выкладчык І.В. Поўх).

ІІ месца: Дзмітрый Бялоў, юрыдычны факультэт, І курс (выкладчык Л.Я. Леванюк).

Дыплом “За энтузіязм і высокую матываванасць да вывучэння замежнай мовы”

ІІ месца: Георгій Арсенцьеў, юрыдычны факультэт, І курс (выкладчык Л.М. Калілец)

Французская мова

Галоўная намінацыя “Лепшы пераклад з французскай мовы”

ІІІ месца: Паліна Андраюк, юрыдычны факультэт, ІІ курс (выкладчык Л.Я. Леванюк).

Дыплом “За арыгінальнасць перакладчыцкіх рашэнняў”

ІІ месца: Антаніна Пранько, геаграфічны факультэт, І курс (выкладчык Л.Я. Леванюк).

Дыплом “За энтузіязм і высокую матываванасць да вывучэння замежнай мовы”

І месца: Дар’я Чабан, псіхолага-педагагічны факультэт, ІІ курс (выкладчык Л.Я. Леванюк).

Нямецкая мова

Дыплом “За культуру пісьмовых зносін і пераканальнасць”

І месца: Павел Ківачук, геаграфічны факультэт, І курс (выкладчык І.А. Полева).

Пераможца, студэнтка-лінгвіст:

Дыплом “За культуру пісьмовых зносін і пераканальнасць”

ІІ месца: Сідарава Елізавета, факультэт замежных моў, ІІ курс.

Кафедра замежных моў ад усёй душы дзякуе ўсім удзельнікам, кіраўнікам і арганізатарам конкурсу, віншуе пераможцаў і жадае ім далейшых перамог! Мы вамі ганарымся!

Ларыса Максімук,
загадчык кафедры замежных моў