Першасная арганізацыя ГА "БРСМ"

Першасная арганізацыя з правамі раённага камітэта ГА «БРСМ» БрДУ імя А.С. Пушкіна створана ў кастрычніку 2002 года. Арганізацыя складаецца з 9 першасных арганізацый факультэтаў і 1 першаснай арганізацыі работнікаў. Колькасць студэнтаў, якія з’яўляюцца членамі ГА «БРСМ» ад агульнай колькасці студэнтаў УА «БрДУ імя А.С. Пушкіна», складае 49 %.

  

 

Беларускі рэспубліканскі саюз моладзі

 

Грамадскае аб’яднанне «Беларускі рэспубліканскі саюз моладзі» з’яўляецца правапераемнікам камсамола Беларусі, Саюза моладзі Беларусі, Беларускага патрыятычнага саюза моладзі, Беларускага саюза моладзі. Рашэнне аб яго стварэнні было прынята 6 верасня 2002 г. на аб’яднаўчым з’ездзе.

Членам ГА «БРСМ» можа быць любы грамадзянін Рэспублікі Беларусь, асобы без грамадзянства, а таксама замежныя грамадзяне, якія пастаянна жывуць у Рэспубліцы Беларусь, ва ўзросце ад 14 да 31 года, якія прызнаюць Статут і праграмныя дакументы ГА «БРСМ».

Мэта ГА «БРСМ» – стварэнне ўмоў для ўсебаковага развіцця моладзі, раскрыцця яе творчага патэнцыялу, садзейнічанне развіццю ў Рэспубліцы Беларусь грамадзянскай супольнасці, заснаванай на патрыятычных і духоўна-маральных каштоўнасцях. Беларускі рэспубліканскі саюз моладзі аб’ядноўвае ў сваіх радах неабыякавых людзей, тых, хто не збіраецца сядзець склаўшы рукі, а сам гатовы прыкласці свае сілы, выкарыстоўваць свае здольнасці для таго, каб зрабіць больш цікавым, яркім, асэнсаваным сваё жыццё і жыццё сваіх аднагодкаў.

Першасная арганізацыя ГА «БРСМ» універсітэта арганізуе сваю працу на аснове сучасных і інавацыйных падыходаў да дзейнасці, пры гэтым не пакідаючы па-за ўвагай і традыцыйныя напрамкі сваёй дзейнасці, адным з якіх з’яўляецца працаўладкаванне студэнцкай моладзі. Фарміраванне першаснай арганізацыяй студэнцкіх атрадаў дазваляе вырашыць пытанне другаснай занятасці і магчымасці адаптацыі студэнтаў да дарослага і самастойнага жыцця.

 

Гонарам дзейнасці першаснай арганізацыі з’яўляюцца менавіта валанцёрскія атрады. Дзякуючы дзейнасці актывістаў валанцёрскіх атрадаў, БРСМ эфектыўна рэалізуецца задача па развіцці ў моладзі беражлівых адносін да навакольнага прыроднага асяроддзя, добраўпарадкаваннi горада Брэста, прылеглых тэрыторый і населеных пунктаў Брэсцкай вобласці.

Важным напрамкам развіцця традыцыйных мерапрыемстваў БРСМ з’яўляецца правядзенне турыстычных паходаў і экскурсійных паездак па Рэспубліцы Беларусь.

У перыяд уступнай кампаніі арганізуецца праца сэрвісных атрадаў «Абітурыент», «Профі», якiя аказваюць дапамогу прыёмнай камісіі ўніверсітэта ў перыяд прафарыентацыйнай кампаніі, падачы дакументаў абітурыентамі, правядзення ўступных іспытаў і залічэння абітурыентаў у лік студэнтаў.

Прыярытэтным напрамкам дзейнасці першаснай арганізацыі з’яўляецца развіццё інавацыйных падыходаў у рабоце.

Кожны з нас мае ідэі, задумы, творчыя планы. Рэалізаваць іх можна са сваімі аднадумцамі. Кожны малады чалавек павінен мець магчымасць быць пачутым, абмеркаваць пытанні, якія яго хвалююць, з іншымі зацікаўленымі людзьмі (аднагодкамі, прадстаўнікамі старэйшага пакалення, экспертамі, прадстаўнікамі ўлады), даведацца, што ён можа зрабіць для вырашэння існуючых праблем, а таксама атрымаць падтрымку сваіх далейшых дзеянняў. БРСМ па-сапраўднаму адзіны моладзевы саюз. Працуючы ў ім, мы выступаем не толькі як жыхары свайго горада, студэнты ўнiверсiтэта, але і як прадстаўнікі беларускай моладзі. Мы адчуваем сябе часткай нашай Радзімы, часткай Рэспублікі Беларусь.

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта