Усяго на кафедрах факультэта працуе 70 выкладчыкаў (66 штатных і 4 сумяшчальнікі). Навуковыя ступені маюць 35 чалавек, сярод іх 4 прафесары, дактары навук і 31 кандыдат навук.

Цяпер на факультэце навучанне ідзе па спецыяльнасцях: дашкольная адукацыя, пачатковая адукацыя, псіхалогія, лагапедыя, сацыяльная педагогіка, спецыяльная і інклюзіўная адукацыя з прафілізацыяй «Лагапедыя», сацыяльна-педагагічная і псіхалагічная адукацыя.

На факультэце функцыянуюць 4 навуковыя школы:

• «Педагогіка і методыка вышэйшай школы» (заснавальнік школы – доктар педагагічных навук, прафесар Сендэр Ганна Мікалаеўна)
• «Намінатыўная і функцыянальная лінгвістыка» (заснавальнік школы – доктар філалагічных навук, прафесар Сянкевіч Васіль Іванавіч)
• «Практычная псіхалогія дзяцінства» (заснавальнік школы - доктар псіхалагічных навук, прафесар Валітава Ірына Яўгенаўна)
• «Псіхалогія суб'екта, які спазнае» (заснавальнік школы – доктар псіхалагічных навук, прафесар кафедры Мядзведская Алена Іванаўна)

Выкладчыкі факультэта падтрымліваюць кантакты з навуковымі, педагагічнымі і адукацыйнымі цэнтрамі краіны і замежжа.

Выкладчыкі факультэта ўдзельнічаюць у распрацоўцы навукова-даследчых тэм. У арганізацыі, кіраванні і правядзенні навукова-даследчай дзейнасці студэнтаў у розных формах бяруць удзел усе выкладчыкі факультэта, як у навучальны, так і ў пазаўрочны час. Асноўнай формай навукова-даследчай дзейнасці студэнтаў у навучальны час з'яўляецца выкананне навуковых даследаванняў у рамках курсавых і дыпломных праектаў. Значная ўвага надаецца фармаванню ў студэнтаў навуковых кампетэнцый і навыкаў метадалогіі навуковых даследаванняў. Для ўдзелу ў Рэспубліканскім конкурсе навуковых работ студэнтаў вышэйшых навучальных устаноў Рэспублікі Беларусь ад факультэта штогод прадстаўляюцца найлепшыя дыпломныя даследаванні, якім прысвойваюцца вышэйшыя катэгорыі.

На факультэце праводзяць навукова-даследчую дзейнасць 11 студэнцкіх навукова-даследчых аб'яднанняў. Тэматыка працы студэнцкіх навуковых даследчых аб'яднанняў дастаткова варыятыўная, што прадстаўляе магчымасць уключэння студэнтаў у даследчую дзейнасць у самых розных кірунках. Вынікі працы студэнты абмяркоўваюць на навуковых канферэнцыях і семінарах. Штогод на факультэце ладзяцца Дні навукі. Вынікам навуковых круглых сталоў, дыскусій, прэзентацый з'яўляецца навуковая студэнцкая канферэнцыя, на якой у розных секцыях выступаюць студэнты ўсіх спецыяльнасцей факультэта з дакладамі па розных навуковых напрамках. Вынікі студэнцкіх навуковых даследаванняў публікуюцца ў зборніку артыкулаў.