Гістарычны факультэт вядзе сваю гісторыю з 1945 г., калі ў складзе Брэсцкага настаўніцкага інстытута было створана гісторыка-філалагічнае аддзяленне; у 1946 г. было створана аддзялення гісторыі – асобная структурная адзінка інстытута. У 1945 – пачатку 1990-х гадоў у структуры Брэсцкага педінстытута дзейнічалі кафедра гісторыі, кафедра марксізму-ленінізму, кафедра гісторыі КПСС. У 1989 г. у складзе філалагічнага факультэта было адкрыта спецыяльнасць “Гісторыя”.  У 1991 г. быў створаны гістарычны факультэт.

ФАКУЛЬТЭТ СЁННЯ

На 2 кафедрах факультэта працуе 29 выкладчыкаў, з якіх з вучонымі ступенямі і званнямі – 23 чал. (85,2 %), у т.л. дактароў навук – 3; кандыдатаў навук – 20. Доля штатных выкладчыкаў з вучонай ступенню на кафедрах факультэта складае: кафедра гісторыі Беларусі і спецыяльных гістарычных дысцыплін – 71 %, кафедра ўсеагульнай гісторыі і паліталогіі – 87 %. Сярод 23 вучоных з навуковымі ступенямі і званнямі 2 маюць вучонае званне прафесара і 18 – дацэнта. Акрамя гэтага, на кафедрах факультэта працуюць: 3 старшыя выкладчыкі, 2 выкладчыкі, 1 выкладчык-стажор, 2 спецыялісты па суправаджэнні адукацыйнага працэсу, 1 сакратар дэканата.