Дэлегацыя Беларускай асацыяцыі студэнцкага спорту з візітам у Польшчы

З 25 па 28 сакавіка 2019 года студэнтка факультэта фізічнага выхавання Вольга Сыса разам з дэлегацыяй Беларускай асацыяцыі студэнцкага спорту на чале са Старшынёй БАСС Аляксандрам Багдановічам пабывала ў Рэспубліцы Польшча. Мэта візіту дэлегацыі – вывучэнне арганізацыйных, прававых і фінансавых асноў дзейнасці Польскай асацыяцыі студэнцкага спорту і спартыўных клубаў устаноў вышэйшай адукацыі Польшчы і абмен вопытам у арганізацыі і правядзенні спартыўнай і спартыўна-масавай работы сярод студэнтаў.

Дэлегацыя наведала Варшаўскую акадэмію спорту, Нацыянальны алімпійскі камітэт, прыняла ўдзел у працы канферэнцыі. На канферэнцыі беларускі бок расказаў аб паспяховым вопыце выступлення нашых студэнтаў на спартыўных спаборніцтвах рознага ўзроўню, у тым ліку міжнароднага. Удзельнікі канферэнцыі краіны-суседкі адзначылі, што адзін з плюсаў для іх студэнцкай моладзі – забяспечанасць камфортным жыллём, што знаходзіцца ў крокавай даступнасці ад устаноў адукацыі. Ва Уроцлаве дэлегацыя сустрэлася з мэрам горада.

Вольга Сыса (факультэт фізічнага выхавання)