Гарадскі вучэбна-метадычны семінар «Метадалогія падрыхтоўкі і ўдзелу студэнтаў у міжнародных юрыдычных конкурсах»

20 кастрычніка 2018 г. адбыўся гарадскі вучэбна-метадычны семінар на тэму «Метадалогія падрыхтоўкі і ўдзелу студэнтаў у міжнародных юрыдычных конкурсах». Мерапрыемства было арганізавана кафедрай тэорыі і гісторыі дзяржавы і права, адказны – старшы выкладчык кафедры тэорыі і гісторыі дзяржавы і права Сліўка Вольга Якаўлеўна.

У працы семінара прынялі ўдзел прадстаўнікі філіяла ўстановы адукацыі «Брэсцкі дзяржаўны тэхнічны ўніверсітэт» Політэхнічны каледж і Брэсцкага філіяла ПУА «Каледж бізнесу і права». Удзельнікі семінара абмяняліся вопытам падрыхтоўкі студэнтаў да розных конкурсаў, у тым ліку да навукова-даследчых конкурсаў, алімпіяд і конкурсаў у фармаце moot court. Перад студэнтамі юрыдычнага факультэта і навучэнцамі каледжаў выступілі юрысты-практыкі і ўдзельнікі міжнародных юрыдычных конкурсаў студэнтаў. Імі падкрэслівалася важнасць удзелу ў падобных конкурсах у мэтах фарміравання кампетэнцый будучых спецыялістаў.

Па выніках паведамленняў прайшло абмеркаванне. Удзельнікі семінара адзначылі неабходнасць выкарыстання ў адукацыйным працэсе перадавога педагагічнага вопыту па падрыхтоўцы студэнтаў да міжнародных конкурсаў.

Сліўка Вольга Якаўлеўна,
старшы выкладчык кафедры тэорыі і гісторыі дзяржавы і права