Прэм’ера спектакля на нямецкай мове

25 лютага 2015 года адбылася дэбютная пастаноўка на нямецкай мове тэатральнай трупы факультэта замежных моў. У якасці першага спектакля была абрана трагедыя Ф. Шылера «Разбойнікі» («Die Räuber»).

«Наш тэатр вельмі малады, і практычна ўсе акцёры, якія іграюць у п’есе, на сцэне ўпершыню. Аднак, я лічу, што яны цудоўна справіліся з пастаўленай задачай нягледзячы на ​​тое, што гэты вопыт толькі пачынаюць набываць. Яны праявілі даволі высокі ўзровень акцёрскага майстэрства, змаглі даць гледачу эмоцыі і трымаць залу ў напружанні на працягу ўсяго спектакля. Наша прэм’ера – значная падзея ў жыцці факультэта, якая прайшла з вялікім поспехам, і я як рэжысёр шчаслівая!» – адзначыла кіраўнік тэатра, выкладчык кафедры нямецкай філалогіі Л.А. Сінчук.

Каманда атрымала вельмі многа добрых і цёплых водгукаў ад студэнтаў і ад выкладчыкаў, зала апладзіравала стоячы, і кожны, хто падыходзіў да акцёраў пасля выступлення, цікавіўся тым, калі ж чакаць наступнай пастаноўкі. Жадаем тэатру поспехаў і новых цікавых ідэй, а таксама папаўнення ў трупе!

Факультэт замежных моў