Нашы студэнты перамаглі на фестывалі “Арт-вакацыі-2014” і ў конкурсах “Афтограф” і “Арт-партал”

28 мая 2014 года у малай зале Палаца Рэспублікі адбыўся фінал рэспубліканскага фестываля мастацкай творчасці навучэнскай і студэнцкай моладзі “Арт-вакацыі-2014”. Удзел у ім прымалі лепшыя калектывы і індывідуальныя выканаўцы мастацкай творчасці з розных вышэйшых навучальных устаноў Беларусі.

Гонарам для ўніверсітэта стала высокая адзнака рэспубліканскага журы студыі эстрадных спеваў “Ступенi” пад кіраўніцтвам Л.І.Борсук (дыплом І ступені). У гала-канцэрце выступілі выхаванцы студыі Н.Слуцкая, І.Кульбеда, І.Замулка, Т.Блашук (на здымку).

Таксама дыпламантамі фестывалю сталі наступныя калектывы і выканаўцы: Яна Буцкевіч (дыплом ІІ ступені); Цімафей Стаін (дыплом ІІ ступені), творчае аб’яднанне студэнтаў пад кіраўніцтвам С.С.Палячука (дыплом ІІІ ступені); Тэатр жывога слова пад кіраўніцтвам Т.В.Зарэмбы (дыплом ІІІ ступені).

Разам з тым адбыўся Рэспубліканскі конкурс літаратурнай творчасці студэнтаў вышэйшых навучальных устаноў “Афтограф”. Дыпломам І ступені адзначаны Алена Свінчук i Таццяна Сянькевіч, ІІ ступені – Дар’я Сінкевіч, ІІІ ступені – Ксенія Пальто.

Дыпломам І ступені конкурса “Арт-партал” адзначаны Вольга Качан і Ірына Хлуд, ІІ ступені – Юлія Залешчык, Надзея Кавальчук, Андрэй Бірук, Кацярына Бандарэц, Ілля Пуляк і Вераніка Грудко.

Віншуем пераможцаў!

Студэнцкі клуб