Вялікая псіхалагічная гульня «Дом нашых адносін»

Жыццё любога чалавека звязана з домам. Наш дом – гэта не толькі наша крэпасць, але і наш унутраны свет. Гэта, з аднаго боку, увасабленне нашага дабрабыту, з другога – уяўленне пра ўтульнасць і камфорт, інтарэсы і захапленні, звычкі і густы.

27 лістапада прадстаўнікі старастата замежных навучэнцаў прынялі ўдзел у вялікай псіхалагічнай гульні «Дом нашых адносін».

Студэнтам было прапанавана пабудаваць дом разумення і сяброўства, ідэальных адносін у калектыве, вылучыць уласную індывідуальнасць і ўнікальнасць. У ходзе гульні студэнты расказалі пра свае захапленні, хобі, прадэманстравалі рысы свайго характару, таленты і здольнасці. Удзельнікам атрымалася вылучыць асновы моцных адносін у калектыве: агульныя інтарэсы, падобныя чалавечыя якасці, а таксама тыя рысы характару або асаблівасці паводзін, якія дапамогуць захаваць маральна-псіхалагічны камфорт у калектыве (дружалюбнасць, талерантнасць, усмешка, прывітанне, уменне дараваць, уменне памятаць добрае, разважлівасць і г.д.).

Да канца гульні ўдзельнікам удалося сфармуляваць правілы, якія дазваляюць захоўваць паважлівыя адносіны аднаго да другога і спрыяльную атмасферу ў калектыве: бадзёры, жыццярадасны настрой, правядзенне вольнага часу разам, аказанне ўзаемнай дапамогі, уменне супрацоўнічаць і г.д.

Выдатна, што нашы студэнты змаглі пабудаваць свой ДОМ ІДЭАЛЬНЫХ СТАСУНКАЎ.