Усіх аб’яднаў БрДУ – Фестываль Дружбы адбыўся ў рамках святкавання 1000-годдзя Брэста

Брэсцкі дзяржаўны ўніверсітэт імя А.С. Пушкіна актыўна быў уключаны ў святкаванне тысячагадовага юбілею горада Брэста. Фестываль Дружбы, падрыхтаваны БрДУ, пад эгідай Брэсцкага гарадскога выканаўчага камітэта, адбыўся на плошчы Леніна 8 верасня. У гэтым захапляльным прадстаўленні ўніверсітэту ўдалося аб’яднаць студэнцкую моладзь Беларусі (БрДУ імя А.С. Пушкіна), Расіі (Валгаградскі дзяржаўны сацыяльна-педагагічны ўніверсітэт), Украіны (Усходнееўрапейскі нацыянальны ўніверсітэт імя Лесі Украінкі), Туркменістана, Узбекістана і Таджыкістана (БрДУ імя А.С. Пушкіна).

З прывітаннем да ўдзельнікаў і гасцей фестывалю звярнулася рэктар БрДУ Ганна Сендзер. Ганна Мікалаеўна добра ведае, што сучасная моладзь вельмі энергічная, таму паспявае не толькі вучыцца, але і актыўна займацца грамадскай дзейнасцю. Рэктар адзначыла, што навучэнцы, прымаючы ўдзел у навуковых канферэнцыях, праграмах па абмене студэнтаў, умацоўваюць дружбу паміж народамі, і пажадала ім дасягнуць прызнання ў цудоўным горадзе Брэсце, дзе жыве дух творчасці і міралюбнасці. Таксама Ганна Сендзер ўручыла ўдзельнікам падзякі і сувенірную прадукцыю.

Цёпла і сардэчна павіншаваў фестывальную публіку старшыня Брэсцкага гарадскога Савета дэпутатаў Мікалай Красоўскі. Ён падзякаваў рэктару БрДУ за актыўны ўдзел студэнцтва ў фестывалі і многіх гарадскіх мерапрыемствах. Тварыць новае тысячагоддзе, рабіць яго яшчэ цікавейшым, больш камфортным і ўтульным для жыцця – такі асноўны пасыл Мікалая Васільевіча. Ён ўзнагародзіў удзельнікаў дыпломамі і статуэткамі з гербамі Брэста і вядучага адукацыйнага цэнтра вобласці.

А стартавым пунктам фестывалю стаў музычна-танцавальны нумар «Я, ты, ён, яна», які як нельга лепш прадэманстраваў дружбу паміж народамі, а разам з тым і задаў тон усяму мерапрыемству. Студэнцкай моладзі розных краін сапраўды было што паказаць і чым здзівіць. Меладычная беларуская мова, нацыянальныя танцы, інструментальная музыка, завадны флеш-моб, гарачыя туркменскія матывы, спевы а капэла і яркія касцюмы – на плошчы Леніна гарманічна злучылася творчасць розных дзяржаў і частак свету.

У фінале канцэрта на сцэну выйшлі ўсе ўдзельнікі фестывалю і выканалі песню «Карагод дружбы» – песню-заклік умацоўваць сяброўскія адносіны паміж народамі. Але апошнім акордам творчай праграмы стала кампазіцыя «Через годы, через расстояния», якая, прагучаўшы з вуснаў моладзі, пацвердзіла, што для сумеснай творчасці межаў не існуе, што дружба народаў – гэта не проста словы, а мір і згода.

Фестываль Дружбы, вядома, не стаў самым галоўным мерапрыемствам святкавання міленіуму (на гэта і не прэтэндаваў), але яго можна смела назваць самым дружным, у якім удзельнікі хай і адрозніваюцца нацыянальнасцю, але адзiныя па духу, любові да творчасці і цудоўнага, добразычлівыя адзін да аднаго.

Фестываль завяршыўся, але памяць пра гэтае маляўнічае дзейства і новыя знаёмствы застануцца назаўжды. БрДУ выказвае падзяку ўсім удзельнікам фестывалю і жадае натхнення і плёну!

Юлія Воўк,
студэнцкі клуб

Портал информационной поддержки экспорта

Официальный сайт о высшем образовании в Республике Беларусь для иностранных граждан

Информационно-консультационный центр по вопросам получения образования и пребывания в Республике Беларусь

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Дніпропетровський національний університет імені Олеся Гончара
Университет гражданской защиты МЧС Беларуси
Могилевский государственный университет имени А. А. Кулешова
Могилевский государственный университет продовольствия
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта