У БрДУ адкрыў дзверы стацыянарны ўчастак па перапісе насельніцтва

З 4 па 30 кастрычніка 2019 года ў Рэспубліцы Беларусь праходзіць перапіс насельніцтва пад дэвізам «Погляд на сучаснае – крок у будучыню». Перапісацца можна адным з трох спосабаў: дома, анлайн або на стацыянарным участку. Адзін са стацыянарных участкаў працуе ў Брэсцкім дзяржаўным універсітэце імя А.С. Пушкіна (аўд. 118). Рэктар універсітэта Ганна Сендзер ужо прайшла перапіс і запрашае берасцейцаў выканаць свой абавязак.

У БрДУ запоўніць перапісныя лісты можна ў адпаведнасці з графікам:

04.10.2019 – 06.10.2019 – з 9 гадзін да 21 гадзіны.

07.10.2019 – 30.10.2019 – з 9 да 20 гадзін без выхадных.

Пажадана мець пры сабе пашпарт.

Перапісныя лісты ўключаюць 49 пытанняў, падзеленых на блокі. Неабходна падаць персанальныя дадзеныя, інфармацыю аб бесперапыннасці пражывання ў населеным пункце, аб мове, памяшканні, адукацыі, даходах (іх крыніцы) і шэраг іншых. З’явіўся гаспадарчы блок (уключае пытанні адносна жывёл, раслін і г.д.). Жанчыны ва ўзросце 18–49 гадоў павінны паведаміць і пра намер нарадзіць дзяцей.

Дадзеныя абязлічваюцца, анкета шыфруецца, іншыя асобы і арганізацыі не маюць да яе доступу.

Перапісацца анлайн можна, перайшоўшы па спасылках (www.перепись.бел або www.census.by).

Вуснае апытанне па месцы жыхарства насельніцтва, якое не прыняло ўдзелу ў перапісе на стацыянарных участках або анлайн, перапісчыкі правядуць з 21.10.2019 па 30.10.2019. У перапісчыка будзе сумка з лагатыпам, планшэт і пасведчанне.

Юлія Воўк, студэнцкі клуб

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта