Семінар «Псіхалагічны клімат у інтэрнатах: праблемы і шляхі іх вырашэння»

18 лютага 2015 года на базе інтэрната №4 БрДУ імя А.С. Пушкіна адбыўся семінар «Псіхалагічны клімат у інтэрнатах: праблемы і шляхі іх вырашэння». Арганізатарамі выступілі спецыялісты сацыяльна-педагагічнай і псіхалагічнай службаў аддзела выхаваўчай працы з моладдзю.

З прывітальным словам да ўдзельнікаў семінара звярнулася Т.М. Кошык, кіраўнік аддзела выхаваўчай працы з моладдзю, якая адразу адзначыла актуальнасць разглядаемай тэмы.

Педагог-псіхолаг В.В. Тарасюк агучыла вынікі маніторынгу маральна-псіхалагічнага клімату і якасці выхаваўчай працы ў інтэрнатах студэнцкага гарадка. Пададзеныя вынікі бурна абмеркавалі лідары студсаветаў, загадчыкі і выхавальнікі інтэрнатаў, а таксама прысутныя намеснікі дэканаў па выхаваўчай працы і куратары вучэбных груп.

Падчас семінара былі не толькі асветлены праблемы, з якімі сутыкаюцца студэнты, што пражываюць у інтэрнатах, але і прапанаваны шляхі рашэння некаторых з іх. Прадстаўнікам студэнцкага самакіравання рэкамендавана на бліжэйшым пашыраным пасяджэнні студсавета кожнага інтэрната абмеркаваць прадметна выяўленыя праблемныя пытанні па выніках маніторынгу і ўнесці карэкціроўкі ў планы працы.

Аддзел выхаваўчай працы з моладдзю