Семінар «Нарматыўнае прававое рэгуляванне ідэалагічнай і выхаваўчай працы ва ўніверсітэце»

З мэтай далейшага ўдасканалення ідэалагічнай і выхаваўчай працы ва ўніверсітэце 13 верасня 2016 года адбыўся семінар «Нарматыўнае прававое рэгуляванне ідэалагічнай і выхаваўчай працы ва ўніверсітэце», арганізатарам якога выступіў аддзел выхаваўчай работы з моладдзю. У працы семінара прынялі ўдзел намеснікі дэканаў па выхаваўчай працы, куратары вучэбных груп, педагагічныя работнікі інтэрнатаў студэнцкага гарадка, спецыялісты АВР, студэнцкага і спартыўнага клубаў.

Адкрываючы семінар, начальнік аддзела выхаваўчай работы з моладдзю Кошык Таццяна Мікалаеўна падкрэсліла неабходнасць арганізацыі ІВП у рамках нарматыўнай прававой базы, рэгламентаванай рэспубліканскімі і лакальнымі дакументамі. У выхаваўчым працэсе вышэйшай школы трэба выкарыстоўваць таксама механізмы матывацыі саміх педагогаў з мэтай актыўнага ўключэння іх у пазааўдыторную працу са студэнцкай моладдзю. Менавіта такі падыход будзе садзейнічаць далейшаму развіццю супрацоўніцтва арганізатараў выхаваўчага працэсу ва ўніверсітэце.

З дзеючымі ў бягучым навучальным годзе нарматыўным прававым забеспячэннем і праграмна-планавай дакументацыяй выхавання ўдзельнікаў семінара пазнаёміла метадыст АВР Краўчук Людміла Андрэеўна. Актуальныя аспекты ідэалагічнай і выхаваўчай працы ва ўніверсітэце ў 2016/2017 навучальным годзе ў працы са студэнтамі, якія маюць патрэбу ў сацыяльнай абароне, акрэсліла педагог сацыяльны АВР Крывіцкая Ніна Адамаўна; у працы з замежнымі навучэнцамі – начальнік аддзела міжнародных сувязяў Прыймак Ірына Васільеўна.

У ходзе семінара падымаліся пытанні па планава-справаздачнай дакументацыі, арганізацыі і правядзенні мерапрыемстваў вялікіх і малых формаў, адказнасці ўсіх суб'ектаў адукацыйнага працэсу па пытаннях выхавання студэнцкай моладзі.

Аддзел выхаваўчай работы з моладдзю