Міжнародная студэнцкая навукова-практычная канферэнцыя «Класіка і сучаснасць у прыгожым пісьменстве XIX-XXI стагоддзяў»

19-20 лютага 2015 года ў Брэсцкім дзяржаўным універсітэце імя А.С. Пушкіна на філалагічным факультэце прайшла Міжнародная студэнцкая навукова-практычная канферэнцыя «Класіка і сучаснасць у прыгожым пісьменстве XIX-XXI стагоддзяў». Арганізатарамі мерапрыемства выступілі кафедра тэорыі і гісторыі рускай літаратуры і Рускі цэнтр. У працы канферэнцыі прынялі ўдзел больш за 130 аспірантаў, магістрантаў, студэнтаў з Расіі, Украіны, Беларусі, Польшчы.

Разнапланавасць дакладаў, прадстаўленых на пленарным пасяджэнні і 7 секцыях, сведчыць пра непадробную цікавасць да творчай спадчыны пісьменнікаў, да праблем інтэрпрэтацыі твораў, ролі СМІ ў міжкультурнай камунікацыі, паэтыкі мастацкага тэксту, месца рускай літаратуры ў полікультурнай прасторы, лінгвістычных аспектаў слоўнага мастацтва і інш.

З прывітальным словам да гасцей і ўдзельнікаў канферэнцыі звярнуліся прарэктар па навуковай працы і эканоміцы Брэсцкага дзяржаўнага ўніверсітэта імя А.С. Пушкіна А.Я. Будзько, дэкан філалагічнага факультэта В.А. Фелькіна, загадчык кафедры тэорыі і гісторыі рускай літаратуры Т.В. Сянькевіч. Студэнт Інстытута журналістыкі БДУ Дзмітрый Нікановіч парадаваў удзельнікаў канферэнцыі невялікай канцэртнай праграмай.

Падчас канферэнцыі была падрыхтавана выстава конкурсных навуковых прац студэнтаў «Навука і студэнты». Большасць дакладаў і паведамленняў на пасяджэннях секцый суправаджала ажыўленая дыскусія, што пацвярджае актуальнасць узнятых праблем.

Метадыст Рускага цэнтра Юроўскіх Ю.Ю.