Міжфакультэцкі конкурс насценгазет па праблемах сучаснай эканомікі

7-15 снежня 2015 года ва ўніверсітэце праходзіў міжфакультэцкі конкурс насценгазет па праблемах сучаснай эканомікі. Арганізатарам мерапрыемства выступіла кафедра тэарэтычнай і прыкладной эканомікі. У конкурсе прынялі ўдзел студэнты шасці факультэтаў (геаграфічнага, юрыдычнага, фізіка-матэматычнага, філалагічнага, гістарычнага і псіхолага-педагагічнага факультэтаў).

Галоўная мэта конкурсу – спрыяць фарміраванню эканамічнай культуры студэнтаў, стымуляваць іх творчую актыўнасць. Гэтае мерапрыемства папулярызуе, пашырае і паглыбляе сацыяльна-эканамічныя веды ў студэнцкім асяроддзі, дапамагае фарміраваць у студэнцкай моладзі актыўную грамадзянскую пазіцыю.

Журы ацэньвала студэнцкія работы па наступных крытэрыях: пісьменнасць пададзеных артыкулаў, здольнасць аўтараў крытычна аналізаваць і сістэматызаваць інфармацыю, арыгінальнасць афармлення насценгазет, лаканічнасць назваў, адпаведнасць назвы газеты яе зместу, паўната асэнсавання і разумення сутнасці асветленых у газеце праблем, яснасць і абгрунтаванасць зробленых у артыкулах высноў.

Журы вызначыла пераможцаў конкурсу наступным чынам:

I месца занялі студэнты 4 курса геаграфічнага факультэта спецыяльнасці «Турызм і гасціннасць»,

II месца – студэнты 4 курса гістарычнага факультэта,

III месца – студэнты 3 курса геаграфічнага факультэта спецыяльнасці «Турызм і гасціннасць».

Для пераможцаў конкурсу быў арганізаваны салодкі стол за кошт сродкаў бюджэту першаснай прафсаюзнай арганізацыі студэнтаў.

Віншуем пераможцаў!

Аргкамітэт