Круглы стол «Шляхі і сродкі павышэння грамадскай актыўнасці студэнтаў»

11 сакавіка 2015 г. у межах «Школы куратара» адбыўся круглы стол «Шляхі і сродкі павышэння грамадскай актыўнасці студэнтаў», арганізаваны аддзелам выхаваўчай працы з моладдзю.

У правядзенні круглага стала актыўны ўдзел прынялі выкладчыкі кафедры псіхалогіі. Так, Акуліч Наталля Аляксееўна асвятліла пытанне аб псіхалагічных дэтэрмінантах у сацыяльнай актыўнасці моладзі. Пра спосабы павышэння сацыяльнай актыўнасці студэнтаў расказала Зубарава Наталля Сяргееўна. Вопытам працы па павышэнні сацыяльнай актыўнасці студэнтаў праз гуртковую дзейнасць з куратарамі вучэбных груп падзялілася Шчэрба Святлана Мікалаеўна, намеснік дэкана па выхаваўчай працы філалагічнага факультэта. На філалагічным факультэце дзейнічаюць гурткі рознай накіраванасці: літаратурны, фотагурток, тэатральны гурток «У-нескладовік».

Куратары вучэбных груп гістарычнага, сацыяльна-педагагічнага, юрыдычнага, філалагічнага і фізіка-матэматычнага факультэтаў абмеркавалі праблему матывацыі да сацыяльнай актыўнасці ў студэнцкім асяроддзі, а таксама пастараліся разабрацца ў прычынах нізкай ініцыятыўнасці моладзі.

Спадзяёмся, што дзякуючы праблемным формам правядзення заняткаў у «Школе куратара» мы зможам знайсці эфектыўныя метады і формы ідэалагічнай і выхаваўчай працы са студэнцкай моладдзю.

Аддзел выхаваўчай працы з моладдзю