IV Рэгіянальная навукова-практычная канферэнцыя «Пачатковая школа: праблемы, прыярытэты і перспектывы развіцця»

12 лістапада 2014 г. на псіхолага-педагагічным факультэце прайшла традыцыйная IV Рэгіянальная навукова-практычная канферэнцыя «Пачатковая школа: праблемы, прыярытэты і перспектывы развіцця», арганізаваная кафедрай педагогікі пачатковага навучання. З прывітальным словам да ўдзельнікаў канферэнцыі звярнуліся рэктар БрДУ імя А.С. Пушкіна Сендзер Ганна Мікалаеўна, дэкан псіхолага-педагагічнага факультэта Кацэвіч Святлана Серафімаўна.

Выступаючы з дакладам на пленарным пасяджэнні доктар педагагічных навук, прафесар Сендзер Г.М. спынілася на некаторых праблемах вышэйшай адукацыі. Прафесар Осіпава М.П. у сваім выступленні абгрунтавала неабходнасць стварэння беларускай мадэлі педагагічнага ўзаемадзеяння з сям'ёй. Заг. кафедры педагогікі пачатковага навучання Нічышына Т.В. расказала пра сучасныя падыходы ў прафілактыцы дэвіяцый непаўналетніх. Заг. кафедры псіхалогіі Мядзведская А.І. агучыла вынікі праведзенага ёю даследавання ўяўленняў пра школу педагогаў і бацькоў. Удзельнікі канферэнцыі абмеркавалі актуальныя пытанні навучання і выхавання, методыкі выкладання вучэбных дысцыплін у пачатковай школе і інш., абмяняліся думкамі.