Дабрачынная акцыя па добраўпарадкаванні гісторыка-культурнай каштоўнасці «Трышынскія могілкі»

Па традыцыі, а таксама ў рамках Канцэпцыі па ахове, кансервацыі і добраўпарадкаванні матэрыяльнай нерухомай гісторыка-культурнай каштоўнасці «Трышынскія могілкі» 30 кастрычніка 2018 года студэнты гістарычнага факультэта ў чарговы раз правялі акцыю па добраўпарадкаванні пахаванняў на тэрыторыі найстарэйшага некропаля Брэста – Трышынскіх могілак. Акцыя прайшла ў рамках суботніка сумесна з КУП «Брэсцкае спецпрадпрыемства».

Двойчы ў год, восенню і вясной, студэнты гістарычнага факультэта прыходзяць на Трышынскія могілкі з неабходным інвентаром і мяшкамі для смецця. Акрамя фізічнай працы, падчас квест-экскурсій, што праводзяцца выкладчыкамі факультэта, яны знаёмяцца з культурным набыткам нашага рэгіёна, даведваючыся шмат цікавага пра лёсы берасцейцаў, якія пайшлі ў нябыт.

На факультэце плануецца і далей аказваць валанцёрскую дапамогу ў добраўпарадкаванні і захаванні гісторыка-культурнай спадчыны Брэста.

Гістарычны факультэт