Анатоль Маркевіч: «Будучыня ў надзейных руках моладзі»

Сустрэча памочніка Прэзідэнта Рэспублікі Беларусь – інспектара па Брэсцкай вобласці Анатоля Маркевіча са студэнтамі Брэсцкага дзяржаўнага ўніверсітэта імя А.С. Пушкіна адбылася 25 верасня. Прадстаўляючы госця, рэктар БрДУ Ганна Сендзер адзначыла, што ён з’яўляецца выпускніком фізіка-матэматычнага факультэта нашага ўніверсітэта. Сустрэча праходзіла ў фармаце адкрытага дыялогу.

Ва ўступным слове Анатоль Маркевіч прызнаўся, што з хваляваннем пераступіў парог alma mater, бо не быў тут ужо 26 гадоў. «Але дух навукі, творчасці і жадання сеяць разумнае, добрае, вечнае застаўся», – сказаў ён.

Анатоль Мечыслававіч – ураджэнец Гродзеншчыны. У сувязі з прафесійнай дзейнасцю на малой радзіме ён бывае рэдка, але, калі атрымліваецца, з задавальненнем прыязджае ў родны край, дзе, маючы зносіны з бацькамі і землякамі, набіраецца сіл. А таму ўспомніліся радкі з верша Рыгора Барадуліна «Трэба дома бываць часцей, трэба дома бываць не госцем…».

Працоўную дзейнасць Анатоль Мечыслававіч пачынаў у сістэме адукацыі: працаваў настаўнікам, дырэктарам школ. Затым быў намеснікам старшыні Карэліцкага райвыканкама, пазней узначальваў раённы Савет дэпутатаў, быў старшынёй Навагрудскага райвыканкама. У лютым 2019 года прызначаны памочнікам Прэзідэнта Рэспублікі Беларусь – інспектарам па Брэсцкай вобласці. Ён шчыра прызнаўся, што ў яго вялікая цудоўная сям’я: жонка і трое сыноў. На думку шматдзетнага бацькі, сакрэт шчаслівага шлюбу – у паразуменні і павазе ўсіх членаў сям’і.

Падчас сустрэчы Анатоль Маркевіч не раз акцэнтаваў увагу на значнасці кадравай палітыкі. «Кадры вырашаюць усё, – сказаў ён. – Прафесійная падрыхтоўка і ўменне вырашаць праблемы – аснова поспеху арганізацый, прадпрыемстваў, устаноў». А каб дабіцца поспеху, трэба знаходзіць аднадумцаў і ўмець гуртаваць калектыў, быць эрудыраваным чалавекам, здольным аналізаваць сітуацыі на месцах, а не ў працоўным кабінеце. «Трэба мець зносіны з людзьмі», – падкрэсліў Анатоль Маркевіч.

Адказваючы на пытанні студэнтаў аб падрыхтоўцы г. Брэста да тысячагоддзя, Анатоль Мечыслававіч сказаў, што была праведзена велізарная праца: сіламі будаўнікоў горада быў пабудаваны сучасны Заходні абход, аналагаў якому няма ў краіне, аўтавакзал, гарадскі сад, лялечны тэатр, алея ліхтароў і іншыя аб’екты , якія арганічна ўпісаліся ў інфраструктуру Брэста. Відаць, што на малой радзіме людзі працуюць з душой і любоўю.

«Талент чалавека раскрываецца ў родных краях, значыць, маладым людзям трэба заставацца на малой радзіме, – з такім пасылам звярнуўся да студэнтаў Анатоль Мечыслававіч. – А апора на веды гісторыі дапаможа вам працягваць будаваць шчаслівую будучыню Беларусі».

Безумоўна, студэнтаў цікавіла пытанне, спецыялісты якіх галін будуць запатрабаванымі ў бліжэйшы час. Анатоль Мечыслававіч адзначыў, што ўжо цяпер патрэбны прафесіяналы ў сферах аграпрамысловага комплексу (тэхналогіі вырошчвання экалагічна чыстай сельгаспрадукцыі), IT-тэхналогій і, вядома, адукацыі.

«Настаўнік – асноватворнае звяно ў развіцці любой дзяржавы, таму што ўсе атрымліваюць адукацыю менавіта дзякуючы выкладчыкам», – кажа Анатоль Маркевіч. Школа працягвае паспяхова выконваць функцыі навучання і выхавання. Але, як заўважыў госць, важна, каб адукацыйны працэс быў падобны на роўнабаковы трохвугольнік: раўнацэнны ўдзел у ім павінны прымаць педагогі, вучні і бацькі.

Сярод пытанняў, адрасаваных Анатолю Маркевічу, былі і больш глабальныя: ключавыя напрамкі развіцця Беларусі і Брэсцкага рэгіёна ў прыватнасці. Адказваючы, Анатоль Мечыслававіч адзначыў, што Брэсцкая вобласць мае свае асаблівасці. Важкі ўклад у эканоміку ўносяць буйныя прадпрыемствы: «Савушкін», «Санта-Брэмар», «Пінскдрэў» і іншыя, якія з’яўляюцца асноватворнымі ў развіцці Брэстчыны. Упэўнена ідзе наперад сфера інфармацыйных тэхналогій і медыцына. А прыродна-кліматычныя ўмовы паўднёва-заходняга рэгіёна даюць магчымасць вырошчваць бахчавыя культуры і вінаград, што дазваляе вырашаць задачы дзяржаўнай палітыкі па імпартазамяшчэнні.

Дыялог Анатоля Маркевіча са студэнтамі атрымаўся канструктыўным.

У канцы сустрэчы Анатоль Мечыслававіч падзякаваў усім за ўвагу, добрыя пытанні і сказаў, што спакойны за будучыню Беларусі, таму што яна ў надзейных руках моладзі.

Юлія Воўк, студэнцкі клуб

Портал информационной поддержки экспорта

Официальный сайт о высшем образовании в Республике Беларусь для иностранных граждан

Информационно-консультационный центр по вопросам получения образования и пребывания в Республике Беларусь

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Дніпропетровський національний університет імені Олеся Гончара
Университет гражданской защиты МЧС Беларуси
Могилевский государственный университет имени А. А. Кулешова
Могилевский государственный университет продовольствия
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта