БУРЫК Алена Аляксееўна

Прарэктар па ідэалагічнай і выхаваўчай рабоце
Брэсцкага дзяржаўнага ўніверсітэта імя А.С. Пушкіна,
кандыдат гістарычных навук, дацэнт

Кароткая біяграфія

У 2004 г. скончыла гістарычны факультэт Брэсцкага дзяржаўнага ўніверсітэта імя А.С. Пушкіна па спецыяльнасці «Гісторыя» са спецыялізацыяй «Сацыяльна-палітычныя дысцыпліны», у 2012 г. – аспірантуру па спецыяльнасці «Айчынная гісторыя». У 2014 г. абараніла кандыдацкую дысертацыю на тэму «Прыгранічнае супрацоўніцтва Беларусі з Польшчай і Украінай (1991–2008 гг.)» (навуковы кіраўнік – доктар гістарычных навук, прафесар М.Э. Часноўскі). У 2020 г. пастановай Прэзідыума ВАК Рэспублікі Беларусь прысвоена вучонае званне дацэнта па спецыяльнасці «Гісторыя».

У Брэсцкім дзяржаўным універсітэце імя А.С. Пушкіна працуе з 2004 г. на пасадзе лабаранта і з 2005 г. па сумяшчальніцтве асістэнтам, выкладчыкам кафедры ўсеагульнай гісторыі. З 2009 г. асістэнт, выкладчык (2012 г.), дацэнт (2014 г.) кафедры ўсеагульнай гісторыі, намеснік дэкана гістарычнага факультэта па навуковай рабоце, па вучэбнай рабоце, адказны сакратар прыёмнай камісіі ўніверсітэта (2015–2016 гг.). У 2016–2022 гг. з'яўлялася дэканам гістарычнага факультэта, у 2022–2025 гг. – загадчыкам кафедры гісторыі славянскіх народаў. 23 чэрвеня 2025 г. прызначана на пасаду прарэктара па ідэалагічнай і выхаваўчай рабоце.

Навуковая дзейнасць

З'яўляецца аўтарам (суаўтарам) больш за 80 навуковых, навукова-метадычных публікацый, суаўтарам навучальнага дапаможніка з грыфам Міністэрства адукацыі Рэспублікі Беларусь. Прымала ўдзел у рэалізацыі 3 навуковых праектаў.

Навуковыя інтарэсы:

• знешняя палітыка Беларусі;
• прыгранічнае супрацоўніцтва Беларусі з сумежнымі краінамі;
• міжнародныя зносіны.

Узнагароды:

• 2014 г. – падзяка рэктара ўніверсітэта;
• 2018 г. – грамата;
• 2020 г. – грамата Брэсцкага абласнога камітэта Беларускага прафесійнага саюза работнікаў адукацыі і навукі;
• 2023 г. – Ганаровая грамата ўніверсітэта.