Кафедра фізічнай культуры

Кафедра фізічнай культуры (папярэдняя назва – кафедра фізічнага выхавання) была створана ў 1951 годзе (загад № 171 па Брэсцкім дзяржаўным педагагічным і настаўніцкім інстытуце імя А.С. Пушкіна ад 26.09.1951 г.).

Цяпер на кафедры працуюць выкладчыкі, якія маюць званне майстра спорту СССР (Майсейчык Э.А.) і майстры спорту Рэспублікі Беларусь (Шындзіна Г.У., Брундукова Т.В.).

Сённяшні склад кафедры – 22 штатныя выкладчыкі: В.Р. Ярашэвіч – прафесар, кандыдат педагагічных навук; Э.А. Майсейчык, В.І. Дамброўскі, Т.С. Дзямчук – дацэнты, кандыдаты педагагічных навук; Самойлік Т.А., Калінец П.П., Вольскі Д.І., Мілашук Н.С., Засім Н.М., Брундукова Т.В., Сулейманава М.В., Гурына К.І., Лукашэвіч С.С., Зінкевіч Г.М. – магістры педагагічных навук.

Асноўныя напрамкі педагагічнай дзейнасці кафедры – фарміраванне фізічна культурнай асобы студэнта. Вучэбны працэс па дысцыпліне “Фізічная культура” ажыццяўляецца на 9 факультэтах універсітэта, на якіх займаюцца каля 4000 студэнтаў. Правядзенне практычных заняткаў са студэнтамі 1–4 курсаў ажыццяўляецца з улікам магчымасцей сфарміраваных у адпаведнасці са станам здароўя, фізічнага развіцця і фізічнай падрыхтаванасці вучэбных аддзяленняў – асноўнага, падрыхтоўчага, спецыяльнага і спартыўнага.