Вечных ісцін незгасальнае святло

«Вечных ісцін незгасальнае святло» – менавіта гэтыя словы сталі тэмай канцэрта да Дня настаўніка. Урачыстасць адбылася ў нашым універсітэце 4 кастрычніка.

Рэктар БрДУ Ганна Сендзер шчыра павіншавала выкладчыкаў з прафесійным святам. Звяртаючыся да іх, Ганна Мікалаеўна адзначыла: «Цудоўная прафесія педагога будзе запатрабаваная заўсёды. У нашага ўніверсітэта шмат дасягненняў, і ўсе яны абумоўлены вашай карпатлівай працай». Яна ўручыла педагогам Ганаровыя граматы ўніверсітэта, граматы і падзякі рэктара.

Старшыня прафкама работнікаў БрДУ Ларыса Чэлышава зачытала віншавальны адрас ад галоўнага ўпраўлення па адукацыі Брэсцкага аблвыканкама і Брэсцкага абласнога камітэта Беларускага прафсаюза работнікаў адукацыі і навукі з пажаданнямі стабільнасці і працвітання, міру і згоды, павагі і ўдзячнасці з боку калег і студэнтаў. Ад сябе асабіста яна пажадала педагогам сіл і энергіі для ажыццяўлення прафесійнай дзейнасці. Ларыса Чэлышава ўручыла граматы і падзякі ад Брэсцкага абласнога камітэта Беларускага прафсаюза работнікаў адукацыі і навукі прафсаюзным актывістам.

Затым студэнты і госці ўніверсітэта павіншавалі любімых выкладчыкаў творчымі нумарамі. Кранальныя песні ў выкананні Юліі Рахты, Ганны Крывецкай і Уладзіслава Макарэвіча, студый «Магаліф», «Ступені», сучасныя танцавальныя рытмы студыі «ONEWAY» і выступленні іншых артыстаў падарылі ўсім добры настрой. Трапяткія пачуцці выклікала мультымедыяпрэзентацыя «Пара надыходзіць осенняя», якая адлюстравала часцінку разнастайнага жыцця педагогаў у фотаздымках.

Дарагія выкладчыкі! Вы дапамагаеце студэнтам асвойваць асновы будучых прафесій, прывіваеце ім высокія ідэалы грамадзянскасці і патрыятызму, сееце ў іх сэрцах разумнае, добрае, вечнае. Яны схіляюцца перад вашымі прафесіяналізмам, мудрасцю, вопытам і талентам. Хай радасць і поспех заўсёды спадарожнічаюць вам! Няхай цяпло, клопат і ўвага блізкіх людзей саграваюць вас! А вашы душы і сэрцы захоўваюць вечных ісцін незгасальнае святло!

Юлія Воўк, студэнцкі клуб

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта