V навукова-рэгіянальная практычная канферэнцыя «Пачатковая школа: праблемы, прыярытэты і перспектывы развіцця»

11 лістапада 2015 года на псіхолага-педагагічным факультэце прайшла традыцыйная V рэгіянальная навукова-практычная канферэнцыя «Пачатковая школа: праблемы, прыярытэты і перспектывы развіцця», арганізаваная кафедрай педагогікі пачатковага навучання і прысвечаная 70-годдзю Брэсцкага дзяржаўнага ўніверсітэта імя А.С. Пушкіна.

На пленарным пасяджэнні з дакладамі выступілі: рэктар УА «БрДУ імя А.С. Пушкіна», доктар педагагічных навук, прафесар Г.М. Сендзер на тэму «Выхаванне грамадзянскасці як важная ўмова падрыхтоўкі будучага педагога», загадчык кафедры педагогікі пачатковага навучання, кандыдат педагагічных навук, дацэнт Т.В. Нічышына на тэму «Педагагічныя аспекты прафілактыкі наркатычнай залежнасці непаўналетніх», начальнік НМЦ «Школа – Сям’я», кандыдат педагагічных навук, прафесар М.П. Осіпава на тэму «Навукова-метадычнае забеспячэнне працэсу навучання будучых педагогаў у кампетэнтнасным фармаце», дырэктар ДУА «Брэсцкі абласны цэнтр карэкцыйна-развіваючага навучання і рэабілітацыі» Т.В. Жук на тэму «Прыярытэтныя напрамкі сістэмы спецыяльнай адукацыі Брэсцкай вобласці» і інш.

У працы канферэнцыі прынялі ўдзел навукоўцы, педагогі устаноў агульнай сярэдняй адукацыі, спецыялісты ўстаноў спецыяльнай і дадатковай адукацыі г. Брэста, магістранты, аспіранты, студэнты. Па выніках правядзення канферэнцыі выдадзены зборнік матэрыялаў.

Кафедра педагогікі пачатковага навучання