У сэрцах захоўваем універсітэт

Наказ рэктара, узнагароджанне лепшых студэнтаў і кранальны вальс – у БрДУ імя А.С. Пушкіна празвінеў апошні званок для 756 выпускнікоў, сярод якіх 96 замежных грамадзян.

На ўрачыстай лінейцы “На шляху да прафесійных вяршыняў у сэрцах захоўваем універсітэт” ганаровае права падняць дзяржаўны сцяг Рэспублікі Беларусь пад гукі гімна нашай краіны атрымалі выпускніца гістарычнага факультэта, уладальнік стыпендыі Прэзідэнта Рэспублікі Беларусь Таццяна Ігнацюк і выпускнік юрыдычнага факультэта, прызёр беларускай студэнцкай юрыдычнай алімпіяды 2020 г., лаўрэат Спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў Мікіта Харавец.

Са словам на дарогу выступіла рэктар Ганна Сендзер. “Развітальны званок сёння падводзіць вынікі вашай вучобы ва ўніверсітэце, зусім хутка вы атрымаеце дыпломы аб вышэйшай адукацыі, – звярнулася Ганна Мікалаеўна да герояў урачыстасці. – Захоўвайце ў вашых сэрцах любоў да ўніверсітэта, сяброўства, якое пачалося ў студэнцкія гады, памятайце, што на факультэтах вам заўсёды рады. Я жадаю вам здароўя, шчасця, поспехаў у здачы дзяржаўных экзаменаў і працы, жадаю быць адданымі выбраным прафесіям і сваёй краіне”.

Студэнты нашага ўніверсітэта штогод дасягаюць значных поспехаў у  навуцы, творчасці і спорце, таму важны момант свята – узнагароджанне  выпускнікоў граматамі і падзякамі рэктара.

Са словам у адказ выступілі віноўнікі ўрачыстасці. Выпускніца сацыяльна-педагагічнага факультэта Анастасія Нічыпарук і выпускнік факультэта замежных моў Батыр Атаеў адзначылі, што ва ўніверсітэце навучыліся любіць навуку, беражліва адносіцца да ведаў, адкрываць новыя далягляды ў творчасці, быць адказнымі, самастойнымі і чулымі, знайшлі новых сяброў. Батыр Атаеў выказаў словы падзякі кіраўніцтву ўніверсітэта і выкладчыкам за падтрымку замежных студэнтаў, за тое, што тут, далёка ад роднай зямлі, яны адчуваюць сябе як дома, а іх бацькі спакойныя за сваіх дзяцей. Юнакі і дзяўчаты паабяцалі рэалізаваць сябе ў абраных прафесіях, каб праслаўляць любімы ўніверсітэт і нашу краіну.

Са словамі ўдзячнасці кіраўніцтву ўніверсітэта і педагогам звярнулася маці выпускніцы фізіка-матэматычнага факультэта Сафіі Удавенка Наталля Салышка. “Паважаныя выкладчыкі, вы шчодра дзяліліся з нашымі дзецьмі цяплом сваіх сэрцаў і прафесійным вопытам, вучылі іх правільна разважаць, бачыць свет ва ўсіх яго праявах, – сказала яна. – Дзякуй вам за ўвагу і клопат”.

Канцэртная праграма, падрыхтаваная актывістамі студэнцкага клуба, дазволіла маладым людзям выказаць удзячнасць педагогам за прафесіяналізм і мудрасць з дапамогай творчасці. Завяршэннем урачыстай лінейкі сталі вальс у выкананні выпускнікоў і развітальны званок.

  

Выпускнікі БрДУ імя А.С. Пушкіна з аптымізмам адкрываюць новую старонку ў сваім жыцці і спадзяюцца, што наперадзе іх чакаюць насычаныя шчаслівымі момантамі гады. Робячы першыя крокі ў прафесію, яны будуць з цеплынёй і любоўю ўспамінаць родны ўніверсітэт.

Юлія Воўк, студэнцкі клуб

Портал информационной поддержки экспорта

Официальный сайт о высшем образовании в Республике Беларусь для иностранных граждан

Информационно-консультационный центр по вопросам получения образования и пребывания в Республике Беларусь

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Дніпропетровський національний університет імені Олеся Гончара
Университет гражданской защиты МЧС Беларуси
Могилевский государственный университет имени А. А. Кулешова
Могилевский государственный университет продовольствия
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта