Мастацкая выстава ў гонар 30-годдзя ўстанаўлення дыпламатычных адносін паміж Рэспублікай Беларусь і Кітайскай Народнай Рэспублікай

20 студзеня 2022 года ў Брэсцкім дзяржаўным універсітэце імя А.С. Пушкіна прайшло адкрыццё Мастацкай выставы кітайскага жывапісу і каліграфіі, прысвечанай 30-годдзю ўстанаўлення дыпламатычных адносін паміж Рэспублікай Беларусь і Кітайскай Народнай Рэспублікай. На выставе можна пазнаёміцца з працамі таленавітага кітайскага мастака Дун Цзяхуэя. Працы Дун Цзяхуэя захоўваюцца ў многіх нацыянальных музеях, мастацкіх галерэях, а таксама ў прыватных калекцыях па ўсім свеце.

На адкрыцці выставы з прывітальным словам выступіла рэктар універсітэта прафесар Ганна Мікалаеўна Сендзер. Творчыя працы прэзентаваў сам аўтар, Дун Цзяхуэй. Выстава арганізавана сумесна з Інстытутам Канфуцыя БрДУ імя А.С. Пушкіна.

А.Я. Будзько, прарэктар па навуковай працы