БрДУ далучыўся да святкавання Дня народнага адзінства

17 верасня на пляцоўцы перад галоўным корпусам БрДУ імя А. С. Пушкіна студэнты, выкладчыкі, кіраўніцтва факультэтаў і ўніверсітэта далучыліся да святкавання Дня народнага адзінства.

У прывітальным слове рэктар Ганна Сендзер абазначыла, што дадзеная ўрачыстасць для ўніверсітэта сімвалічная: студэнты і педагогі навучальнай установы – дружная каманда, якая дэманструе сваю згуртаванасць і адзінства на карысць універсітэта і роднай Беларусі.

Са словам на дарогу да першакурснікаў звярнуўся і старшыня савета студэнцкага самакіравання Мікалай Разнічэнка. Ён заклікаў юнакоў і дзяўчат быць вартымі пераемнікамі ўніверсітэцкіх традыцый,  мэтанакіравана рухацца да свайго прафесійнага майстэрства.

У канцы праграмы першакурснікі ўсіх факультэтаў падарылі прысутным агністы флэшмоб пад песню “Беларусь моцная”.

У гэты ж дзень на гістарычным факультэце адбылася рэгіянальная навукова-практычная канферэнцыя “Уз’яднанне Заходняй Беларусі з БССР у гістарычным лёсе беларускага народа”.