Алімпіяда па крыміналістыцы выявіла лепшых

19 снежня 2019 года ў Брэсцкім дзяржаўным універсітэце імя А. С. Пушкіна была праведзена алімпіяда па крыміналістыцы «Па слядах Ганса Гроса», арганізаваная кафедрай крымінальна-прававых дысцыплін юрыдычнага факультэта УА «Брэсцкі дзяржаўны ўніверсітэт імя А. С. Пушкіна».

У конкурсе прынялі ўдзел студэнты IV курса дзённага аддзялення юрыдычнага факультэта. Удзельнікі алімпіяды падзяліліся на каманды. Камандам неабходна было выканаць 5 заданняў, сярод якіх распрацоўка макета нагляднага дапаможніка па пэўнай навуковай праблеме; вызначэнне тыпу папiлярнага ўзору кожнага пальца рукі на прадстаўленых дактакартах; вызначэнне агульных і прыватных прыкмет прадстаўленых узораў почырку.

Сутнасць наступнага задання заключаецца ў тым, што кожны ўдзельнік каманды выходзіць да дошкі, цягне картку з назвай і выявай халоднай зброі. Затым, не раячыся з камандай, удзельнік вызначае, да якой групы адносіцца гэты від халоднай зброі, і з дапамогай магніта замацоўвае карту на дошцы ў адпаведную групу.

Заключным заданнем было рашэнне задачы на вылучэнне версій. Задача магла быць вырашана пры паслядоўным праходжанні першых двух крокаў Алгарытма ўстанаўлення абставінаў, распрацаванага Храмавым С. М.

Правільнасць і глыбіню адказаў каманд ацэньвала экспертная камісія пад старшынствам дацэнта кафедры крымінальна-прававых дысцыплін, кандыдата юрыдычных навук Храмава Сяргея Міхайлавіча. Яму дапамагалі члены экспертнай камісіі: старшы выкладчык кафедры крымінальна-прававых дысцыплін Раманюк Алена Віктараўна і старшы выкладчык кафедры крымінальна-прававых дысцыплін Заранка Ірына Анатольеўна.

З невялікай перавагай перамогу атрымала група 43.

Аргкамітэт віншуе ўсіх без выключэння ўдзельнікаў, якія паказалі высокія вынікі, а таксама тых, хто не змог увайсці ў лік прызёраў і пераможцаў (удзел у любой алімпіядзе – ужо перамога).

Копач А. В.
студэнт III курса юрыдычнага факультэта