Да Дня маці

Святочныя мерапрыемствы, прысвечаныя Дню маці, працягнуліся ў БрДУ на гэтым тыдні. 16 кастрычніка 2018 года ў рэктара адбыўся ўрачысты прыём маці-студэнтак. Ва ўрачыстасці прынялі ўдзел 16 мам, сярод якіх трое замежных грамадзян.

Ганна Мікалаеўна Сендзер павіншавала студэнтак і пажадала ім здароўя, шчасця, кожны дзень бачыць на тварах дзяцей радасныя ўсмешкі і паспяхова скончыць універсітэт.

Падчас чаявання Ганна Мікалаеўна пагутарыла са студэнткамі. Гутарка праходзіла ў цёплай і душэўнай атмасферы. Якімі якасцямі трэба валодаць, каб стаць высокакваліфікаваным спецыялістам, лідарам, як пераадольваць перашкоды на шляху да пастаўленай мэты, вучыць і выхоўваць дзяцей – гэта і многае іншае цікавіла навучэнцаў. Ганна Мікалаеўна дала вычарпальныя адказы на пытанні студэнтак.

У падарунак ад рэктара маладыя мамы атрымалі агульную фатаграфію на памяць.

Юлія Воўк, рэдактар студэнцкага клуба