Семінар «Нарматыўнае прававое рэгуляванне ідэалагічнай і выхаваўчай працы ва ўніверсітэце. Дзейнасць моладзевых групаванняў»

24 верасня 2015 года ў канферэнц-зале аддзела экалагічнай адукацыі «Зімовы сад» адбыўся семінар «Нарматыўнае прававое рэгуляванне ідэалагічнай і выхаваўчай працы ва ўніверсітэце. Дзейнасць моладзевых групаванняў», арганізаваны аддзелам выхаваўчай працы з моладдзю сумесна з УКДБ па Брэсцкай вобласці.

У гэтым мерапрыемстве прынялі ўдзел намеснікі дэканаў па выхаваўчай працы, куратары вучэбных груп, выхавальнікі студэнцкага гарадка і іншыя спецыялісты, якія займаюцца выхаваўчай працай ва ўніверсітэце.

На семінары абмяркоўвалася сітуацыя ў г. Брэсце па дзейнасці розных моладзевых групаванняў, праявах экстрэмізму, распаўсюджванні наркатычных сродкаў у моладзевым асяроддзі. Падымаліся пытанні аб эфектыўных спосабах процідзеяння дэструктыўным фактарам педагагічнымі работнікамі ўніверсітэта.

Арганізатарам семінара важна было стварыць пляцоўку для эфектыўнага ўзаемадзеяння і прадуктыўнага дыялогу спецыялістаў, сумесна вызначыць аптымальныя шляхі ўдасканалення працы па выяўленні супрацьпраўнай дзейнасці ў студэнцкім асяроддзі.

Падводзячы вынікі, удзельнікі семінара змаглі абмяняцца думкамі і атрымаць практычныя рэкамендацыі па ўдасканаленні праварэалізавальнага працэсу ў выхаваўчай працы.