Семінар «Асаблівасці міжкультурнай камунікацыі ў сучасным універсітэце»

11 кастрычніка адбыўся семінар «Асаблівасці міжкультурнай камунікацыі ў сучасным універсітэце», арганізатарамі якога выступілі аддзел выхаваўчай працы з моладдзю і аддзел міжнародных сувязяў БрДУ імя А.С. Пушкіна. Семінар сабраў каля 30 удзельнікаў – спецыялістаў па працы з замежнымі навучэнцамі, а таксама прадстаўнікоў старастата замежных навучэнцаў.

З прывітальным словам да ўдзельнікаў семінара звярнулася прарэктар па выхаваўчай і сацыяльнай працы БрДУ імя А.С. Пушкіна, кандыдат педагагічных навук, дацэнт Таццяна Васільеўна Сакалова.

Выхавальніца інтэрната № 4 Ганна Пятроўна Дабрадзей расказала пра асаблівасці арганізацыі працы спецыялістаў студгарадка з замежнымі навучэнцамі, асвятліла асноўныя праблемы ў гэтым напрамку і прапанавала шляхі ўдасканалення полікультурнага выхавання студэнцкай моладзі.

Начальнік аддзела выхаваўчай працы з моладдзю Таццяна Мікалаеўна Кошык у сваім выступленні абагульніла пытанні міжкультурнага ўзаемадзеяння на розных узроўнях: паміж установамі горада, структурнымі падраздзяленнямі ўніверсітэта, на ўзроўні навучэнцаў і работнікамі ВНУ.

Прадстаўнікі старастата замежных навучэнцаў Бабаеў Фахрыддын і Бердымырадаў Ахмет расказалі пра дзейнасць старастата па адаптацыі замежных навучэнцаў 1-га курса да адукацыйнай прасторы ўніверсітэта і запланаваных мерапрыемстваў у гэтым накірунку.

Выступленні на семінары выклікалі вялікую цікавасць у прысутнай аўдыторыі і суправаджаліся жывой дыскусіяй. Падводзячы вынікі мерапрыемства, удзельнікі канстатавалі актуальнасць тэм, паднятых на семінары.

Аддзел выхаваўчай працы з моладдзю