Рэгіянальная навуковая канферэнцыя «Рэлігійна-маральнае выхаванне дзяцей дашкольнага і школьнага ўзросту»

24 лістапада 2017 г. адбылася Рэгіянальная навуковая канферэнцыя «Рэлігійна-маральнае выхаванне дзяцей дашкольнага і школьнага ўзросту». Арганізатарамі мерапрыемства з’яўляліся Брэсцкі дзяржаўны ўніверсітэт імя А.С. Пушкіна і Брэсцкая епархія Беларускай Праваслаўнай Царквы. У працы канферэнцыі прынялі ўдзел выкладчыкі гісторыі, рэлігіязнаўства, культуралогіі, педагогікі і псіхалогіі, святары, супрацоўнікі ўстаноў адукацыі і культуры, магістранты і студэнты.

Удзельнікаў канферэнцыі прывітаў прарэктар універсітэта па навуковай працы, кандыдат фізіка-матэматычных навук, дацэнт Аляксандр Яўгенавіч Будзько. Актуальнасць духоўна-маральнага выхавання падрастаючага пакалення адзначыў у прывітальным слове архіепіскап Брэсцкі і Кобрынскі Іаан. Падчас дзвюх сесій канферэнцыі дакладчыкамі было закранута шырокае кола пытанняў: аб узаемадзеянні дзяржавы, сям’і, сістэмы адукацыі, навукі і рэлігіі; аб выкарыстанні гісторыка-культурнай спадчыны ў выхаванні моладзі; аб вопыце праваслаўных прыхадскіх арганізацый; псіхолага-педагагічныя аспекты працэсу выхавання; прафілактыка дэвіянтных паводзін падлеткаў; сродкі процідзеяння ўключэнню моладзі ў дэструктыўныя секты і інш.

Старшыня аргкамітэта – загадчык кафедры гісторыі славянскіх народаў, доктар гістарычных навук, прафесар Аляксандр Мікалаевіч Вабішчэвіч – вылучыў значэнне культурнай спадчыны Праваслаўнай Царквы для выхавання навучэнцаў школ. Доктар хабілітаваны, прафесар Антоній Мірановіч з Беластоцкага ўніверсітэта падзяліўся ўласнымі думкамі пра традыцыі і вырашэнне сучасных праблем выхавання. Протаіерэй Яўгеній Ліхота ў сваім дакладзе раскрыў асноўныя прынцыпы хрысціянскага выхавання.

Высокім узроўнем кампетэнтнасці вылучаліся выступленні спецыялістаў універсітэта ў галіне педагогікі і псіхалогіі: дэкана біялагічнага факультэта, кандыдата педагагічных навук, дацэнта Таццяны Віктараўны Нічышынай, прадстаўнікоў кафедры псіхалогіі развіцця – кандыдата псіхалагічных навук, дацэнта Дзіяны Эдвардаўны Сінюк, старшага выкладчыка Алены Андрэеўны Гузюк, выкладчыка Таццяны Юр’еўны Цітовай, а таксама дацэнта кафедры педагогікі, кандыдата педагагічных навук Зінаіды Сцяпанаўны Ляўчук і дацэнта кафедры псіхалогіі, кандыдата псіхалагічных навук Аляксея Віктаравіча Северына.

Дацэнт кафедры гісторыі славянскіх народаў, кандыдат гістарычных навук Аляксандр Мікалаевіч Свірыд і дацэнт кафедры гуманітарных навук БрДТУ, кандыдат гістарычных навук Вікторыя Уладзіміраўна Сушко паказалі перадумовы ўцягвання моладзі ў секты, далі адпаведныя рэкамендацыі. Іерэй Андрэй Петрусевіч з Жабінкі, студэнты Кацярына Кіпень, Ганна Дзехцярук і іншыя дакладчыкі адзначылі станоўчыя прыклады ўзаемадзеяння царквы, школы і моладзі.

Кафедра гісторыі славянскіх народаў