Інфармацыйная сустрэча «Пра здаровую і карысную ежу»

Сацыяльна-педагагічная і псіхалагічная служба ўніверсітэта сумесна з ДУ «Брэсцкі абласны цэнтр гігіены, эпідэміялогіі і грамадскага здароўя» працягваюць рэалізоўваць сацыяльны праект «Здаровае пакаленне». 16 кастрычніка адбылося чарговае мерапрыемства ў рамках праекта, прымеркаванае да Сусветнага дня здаровага харчавання, – інфармацыйная сустрэча «Пра здаровую і карысную ежу». У мерапрыемстве ўзялі ўдзел студэнты геаграфічнага, біялагічнага і гістарычнага факультэтаў.

Педагог-псіхолаг сацыяльна-педагагічнай і псіхалагічнай службы Наталля Сяргееўна Ануфрыкава расказала пра важнасць правільнага харчавання ў жыцці сучаснай моладзі і актуалізавала веды студэнтаў пра наступствы ўжывання шкодных прадуктаў.

Загадчык аддзялення інфармацыйнага забеспячэння аддзела грамадскага здароўя ДУ «Брэсцкі абласны цэнтр гігіены, эпідэміялогіі і грамадскага здароўя» Валянціна Сяргееўна Машэнская расказала навучэнцам аб прынцыпах правільнага харчавання, узаемасувязі розных аспектаў здаровага харчавання, складзе прадуктаў, іх спалучэнні, узаемадзеянні і засваяльнасці.

Дзякуючы экспрэс-дыягностыцы, праведзенай псіхолагам Ірынай Анатольеўнай Жарко навучэнцы змаглі даведацца, ці парушаны іх харчовыя паводзіны, ці існуе залежнасць ад ежы, якія магчымыя прычыны парушэння харчовых паводзін і шляхі іх карэкцыі.

Дарагія студэнты і калегі! Правільнае харчаванне дапамагае пазбавіцца ад шматлікіх захворванняў, дае масу энергіі і пазітыву, а таксама зусім іншае адчуванне свайго цела. Змяняючыся фізічна, Вы непазбежна пачынаеце мяняцца і развівацца эмацыйна.

Сацыяльна-педагагічная і псіхалагічная служба