«Навука - як неабсяжнае мора...»

«Навука – як неабсяжнае мора... Чым больш ты яе п’еш, тым больш ты пакутуеш ад смагі. Калі-небудзь ты даведаешся, якая гэта асалода... Вучыся, наколькі хапае ў цябе сіл, каб выпрабаваць гэта!» – гэтыя словы класіка польскай літаратуры Стэфана Жэромскага сталі эпіграфам міжфакультэцкага навукова-метадычнага семінара «Творчыя ідэалы Стэфана Жэромскага: да 150-годдзя з дня нараджэння пісьменніка», які 9 снежня 2014 года правяла кафедра тэорыі і гісторыі рускай літаратуры ў Рускім цэнтры.

На семінары з дакладам пра жыццё і творчасць Жэромскага выступіла студэнтка IV курса гістарычнага факультэта Кавальчук Анастасія. Урыўкі з твораў Стэфана Жэромскага прачыталі на польскай мове студэнты III курса юрыдычнага факультэта Васілеўскі Андрэй і Валяева Наталля, IV курса філалагічнага факультэта Неўдах Ніка, Завістовіч Таццяна, Ігнацюк Алеся і Мелех Дар’я.

Загадчыца кафедры тэорыі і гісторыі рускай літаратуры Сянькевіч Т.В. выступіла з дакладам на тэму «Стэфан Жэромскі і Л.М. Талстой, А.П. Чэхаў: праблема творчага ўзаемадзеяння», а выкладчык гэтай жа кафедры Кавальчук В.М. прадставіла прэзентацыю, прысвечаную жыццю С. Жэромскага, яго творам і іх экранізацыям.

Удзельнікі семінара задавалі пытанні пра прэтэндэнта на Нобелеўскую прэмію ў галіне літаратуры, бліжэй пазнаёміліся з яго літаратурнай спадчынай, у тым ліку і дзякуючы выставе «Творчая спадчына С. Жэромскага».

Не былі забытыя і іншыя польскія літаратары-юбіляры: С. Налкоўская і М. Дамброўская.

В.М. Кавальчук, старшы выкладчык
кафедры тэорыі і гісторыі рускай літаратуры

Search form

You are here

«Навука - як неабсяжнае мора...»