Фестываль «Неруш роднага слова»

8 снежня 2016 года ў межах тыдня філалагічнага факультэта прайшоў фестываль «Неруш роднага слова». Ладзілі свята кафедра беларускага мовазнаўства і дыялекталогіі і студэнты 3 курса спецыяльнасці «Беларуская філалогія».

Гучала слова – роднае, гаваркое, трапнае, якое прыйшло ад маці. Прысутныя пачулі жывое слова з вуснаў 90-гадовай жыхаркі вёскі Субаты Маларыцкага раёна Вакульскай Надзеі Іосіфаўны. З цікавасцю слухаліся песні, паданні, вершы. Студэнты сыгралі невялікую тэатральную дзею па тэме фестывалю. Удзельнікі мелі прыемную мажліваць пакаштаваць стравы нацыянальнай кухні, прыгатаваныя па бабуліных рэцэптах.

Фестывалю папярэднічала выстава тэматычных бюлетэняў.

Кафедра беларускага мовазнаўства і дыялекталогіі