У БрДУ адбыўся конкурс, прысвечаны 95-годдзю з дня нараджэння Уладзіміра Караткевіча і юбілею БрДУ

Адкрыты ўніверсітэцкі конкурс чытальнікаў «Быў. Ёсць. Буду», прысвечаны 95-годдзю з дня нараджэння Уладзіміра Караткевіча і 80-годдзю Брэсцкага дзяржаўнага ўніверсітэта імя А.С. Пушкіна, прайшоў 14 лістапада ў актавай зале.

Арганізатарамі свята выступілі філалагічны факультэт, кафедра беларускага і рускага літаратуразнаўства і журналістыкі, аддзел па ідэалагічнай і выхаваўчай працы, служба медыякамунікацый і прафкам студэнтаў БрДУ.

Цёплыя словы і вітанні прысутным адрасавалі прарэктар па ідэалагічнай і выхаваўчай рабоце Алена Аляксееўна Бурык і дэкан філалагічнага факультэта Таццяна Васільеўна Сянькевіч. Школьнікі і студэнты выступалі ў дзвюх аддзяленнях: аўтарскім і выканальніцкім. Творы Уладзіміра Караткевіча распачалі праграму, а далей гучалі паэтычныя і празаічныя радкі розных майстроў слова. Вершы, напісаныя ўдзельнікамі мерапрыемства, завяршылі конкурсную частку свята.

Пакуль журы падводзіла вынікі, госці і выступоўцы паслухалі выдатную музычную праграму, падрыхтаваную творчымі калектывамі ўніверсітэта. Завяршылася мерапрыемства ўрачыстым узнагароджваннем пераможцаў.

Дзякуем усім удзельнікам! Да новых сустрэч!

Вольга Мікалаеўна Кавальчук, дацэнт кафедры
беларускага і рускага літаратуразнаўства і журналістыкі
Фота Давіда Асаўца, фізіка-матэматычны факультэт