Чарговыя семінары кафедры беларускай філалогіі

На пачатку красавіка студэнты-выпускнікі філалагічнага факультэта вярнуліся з пераддыпломнай (вытворчай) практыкі, якую яны праходзілі ў ДУА «Сярэдняя школа № 18 г. Брэста» і ДУА «Сярэдняя школа № 8 г. Брэста імя Героя Беларусі В.Н. Карвата». Базы практыкі з’яўляюцца філіяламі кафедры беларускай філалогіі і ўжо не адзін год прымаюць студэнтаў-філолагаў. Па выніках практыкі дацэнтамі кафедры беларускай філалогіі Кавалюк А.С. і Ішчанка Г.М. былі праведзены два вучэбна-метадычныя семінары.

28 сакавіка ў ДУА «Сярэдняя школа № 18 г. Брэста» адбыўся семінар «Прафесійная падрыхтоўка і кампетэнтнасць студэнтаў-філолагаў» з удзелам студэнтаў-практыкантаў, настаўнікаў-прадметнікаў, класных кіраўнікоў і метадыстаў, якія кіравалі іх практыкай. Настаўнікамі Быковіч А.М., Ермаковай С.М. і Леванчук В.В. быў зроблены аналіз узроўню сфарміраванасці прафесійных кампетэнцый студэнтаў-практыкантаў і акрэслены перспектывы іх творчай самарэалізацыі; выяўлена адпаведнасць дзейнасці практыкантаў агульным патрабаванням, якія прад’яўляюцца да спецыяліста-славесніка, ступень сфарміраванасці іх прафесійных навыкаў і ўменняў; валоданне студэнтамі методыкай выкладання мовы і літаратуры, рацыянальны выбар імі метадаў і форм арганізацыі вучэбнага працэсу. Настаўнікі высока ацанілі ўзровень прафесійнай падрыхтоўкі будучых спецыялістаў. Дацэнты Ішчанка Г.М. і Кавалюк А.С. прааналізавалі стан замацавання і ўдасканалення студэнтамі пад час практыкі ведаў, атрыманых у выніку вывучэння лінгвістычных, літаратуразнаўчых і псіхолага-педагагічных дысцыплін; ступень авалодання студэнтамі-практыкантамі ўменнямі і навыкамі самарэфлексіі.

Вучэбна-метадычны семінар «Педагагічная практыка: узровень сфарміраванасці прафесійных кампетэнцый, шляхі самакарэкцыі маладых педагогаў» адбыўся 19 красавіка на філалагічным факультэце. У мерапрыемстве прынялі ўдзел студэнты 3–4 курсаў спецыяльнасці «Беларуская філалогія». Кавалюк А.С. агучыла вынікі пераддыпломнай (вытворчай) практыкі 2018 года. Студэнтамі-практыкантамі былі падрыхтаваны змястоўныя прэзентацыі фрагментаў урокаў і пазакласных мерапрыемстваў. Выпускнікі прааналізавалі сваю педагагічна-выхаваўчую дзейнасць, акрэслілі шляхі самакарэкцыі. Ішчанка Г.М. абазначыла перспектывы і стратэгіі арганізацыі правядзення пераддыпломнай (вытворчай) практыкі 2019 года, а таксама расказала студэнтам 3-га курса пра ролю заняткаў па методыцы выкладання беларускай мовы і літаратуры ў падрыхтоўцы будучых педагогаў.

Таксама 20 красавіка на філалагічным факультэце прафесарам кафедры беларускай філалогіі З.П. Мельнікавай, дацэнтамі А.С. Кавалюк і Г.М. Ішчанка быў праведзены рэгіянальны навукова-метадычны семінар «Навукова-метадычныя аспекты вывучэння літаратуры ў сярэдніх і сярэдніх спецыяльных навучальных установах». У ім прынялі ўдзел настаўнікі, метадысты сярэдніх і сярэдніх спецыяльных навучальных устаноў г. Брэста і Брэсцкай вобласці, выкладчыкі кафедры беларускай філалогіі, студэнты спецыяльнасці «Беларуская філалогія».

На семінары разглядаліся актуальныя праблемы вывучэння літаратуры ў школе і сярэдніх спецыяльных навучальных установах. З уласнымі напрацоўкамі фарміравання пазнавальных зацікаўленняў да вывучэння роднай літаратуры праз нетрадыцыйныя формы і метады навучання удзельнікаў семінара пазнаёміла выкладчык цыклавой камісіі сацыяльна-гуманітарных дысцыплін філіяла УА «Брэсцкі дзяржаўны тэхнічны ўніверсітэт» Політэхнічны каледж Асінчанка М.М. Пра  змест літаратурнай адукацыі і праблемы выкладання літаратуры ў старэйшых класах выступіла настаўнік беларускай мовы і літаратуры УА «Брэсцкае дзяржаўнае абласное вучылішча алімпійскага рэзерву» Ананіч Н.К. Аб праблемах адпаведнасці чытацкага ўспрымання і мэтах літаратурнай адукацыі паведаміла прафесар Мельнікава З.П. Прадметам аналізу выступоўцы стаў стан сучаснай інтэрпрэтацыі літаратуразнаўствам праграмных твораў. Пра нарматыўнае і навукова-метадычнае забеспячэнне прадмета «Беларуская літаратура» ў школе расказала настаўнік беларускай мовы і літаратуры, дырэктар ДУА «Хідрынская ДС–СШ Кобрынскага раёна» Назарук А.М. Дырэктар школы звярнула асаблівую ўвагу на праблему адаптацыі маладых спецыялістаў ў сучаснай школе і агучыла нарматыўныя патрабаванні да прафесійных і асобасных якасцей настаўніка-славесніка.

Выступленні выкладчыкаў ВНУ і настаўнікаў, якія прагучалі на семінары, выклікалі зацікаўленую дыскусію пра ролю і месца прадмета «Беларуская літаратура» ў сістэме школьнай і сярэдняй спецыяльнай адукацыі, пра змест літаратурнага навучання.

Кафедра беларускай філалогіі

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта