Трэнінг-практыкум - IV

27.10.2018 студэнты-археолагі выбраліся ў магнацкія рэзідэнцыі Ружан і Косава на чарговы трэнінг-практыкум. На гэты раз экспедыцыя складалася са студэнтаў 1, 3 і 4-га курсаў спецыяльнасці "Гісторыя (археалогія)". У ёй узялі ўдзел Рэзнічэнка Мікола, Васько Ганна, Граф Вадзім і Дорах Міхаіл.

Мэтай практыкуму было засвоіць асновы ратаўнічых археалагічных даследаванняў на помніках, якія ўнесены ў спіс гісторыка-культурных каштоўнасцей і на якіх адбываюцца рэстаўрацыйныя працы.

Студэнты пазнаёміліся з актуальным станам рэстаўрацыйных прац у Косаўскім палацы. Наведаліся ў падвальныя памяшканні палаца, пазнаёміліся з канструктыўнымі асаблівасцямі “падмуркава-падвальнай асновы” гэтага збудавання і спецыфікай яго ацяплення.

Так сама студэнты шліхтавалі навыкі карыстання металадэтэктарам і фіксацыі стратыграфіі. Адной з важнейшых задач студэнтаў быў пошук і збор артэфактаў, якія былі "вырваныя" з археалагічнага кантэксту у ходзе земляных прац у тэатральным корпусе Сапегаўскай рэзідэнцыі ў Ружане. У выніку была сабраная чарговая калекцыя артэфактаў XVIІ - ХІХ ст. Камеральную апрацоўку дадзенай калекцыі будуць ажыццяўляць самі студэнты ў ходзе спецыялізаваных заняткаў.