Трэнінг-практыкум - IIІ

13.10.2018 адбыўся чарговы выязны трэнінг-практыкум для студэнтаў-археолагаў на магнацкіх рэзідэнцыях у Ружане і Косаве, якія рэстаўруюцца.

Мэтай практыкуму было пазнаёміцца з асновамі ратаўнічых археалагічных прац на помніках, якія ўнесены ў спіс гісторыка-культурных каштоўнасцей.

У мерапрыемстве ўзялі ўдзел студэнты 1-га і 4-га курсаў спецыяльнасці "Гісторыя (археалогія)": Рэзнічэнка Мікола і Мядзведзь Алег.

Студэнты пазнаёміліся з асновамі карыстання металадэтэктарам і фіксацыі стратыграфіі. Так сама, адной з асноўных  задач студэнтаў быў пошук і збор артэфактаў, якія былі "вырваныя" з культурных пластоў у ходзе земляных рэстаўрацыйных прац. У выніку была сабрана значная калекцыя артэфактаў XVIІ - першай паловы ХХ ст., камеральная апрацоўка якой адбудзецца ў сценах нашага факультэта.

Акрамя таго, экспедыцыя наведала сярэднявечнае гарадзішча каля г. Косава, дзе сёння знаходзіцца мемарыял ахвярам халакосту.