Валанцёры БрДУ на чэмпіянаце Еўропы

Пачатак восені 2018 года выдаўся гарачым для валанцёраў БрДУ, якія працавалі з 31 жніўня па 2 верасня на чэмпіянаце Еўропы па акадэмічным веславанні сярод спартсменаў да 23-х гадоў.

Нашы валанцёры адказвалі за акрэдытацыю, сачылі за правільным ўзважваннем і мыйкай лодак, глядзелі за камерамі захоўвання, а таксама дапамагалі спартсменам, адказваючы на іх пытанні.

Чэмпіянат стаў добрай магчымасцю пагутарыць з людзьмі з іншых краін. Парадавала, што ўсе былі адкрытымі для гутарак і знаёмстваў. За час мерапрыемства ва ўсіх назапасіліся прыемныя эмоцыі і ўражанні. Для кожнага студэнта гэта стала неацэнным вопытам, які ў далейшым выявіцца, калі прыйдзецца знаходзіць агульную мову з людзьмі, адказна выконваць пастаўленыя задачы і працаваць у камандзе. І вядома ж, як і любое спартыўнае мерапрыемства, чэмпіянат быў прасякнуты неверагоднай атмасферай спаборніцкага духу. Агонь у вачах спартсменаў і моцная падтрымка балельшчыкаў гаварылі пра значнасць мерапрыемства ў іх жыцці.

Сваім меркаваннем з нагоды чэмпіянату падзяліліся валанцёры, студэнткі 2-га курса філалагічнага факультэта.

Галіна Казлоўская:

– Гэта выдатнае мерапрыемства, якое ўпрыгожыла апошнія дні лета і пачатак восені. Ветлівы персанал, сумленныя і справядлівыя суддзі, прыязная атмасфера. Ні адзін з удзельнікаў не застаўся па-за ўвагай. Яркая форма і колеры такога ж яркага неба ўздымалі ўсім настрой. Я вельмі рада, што мне выпала магчымасць быць на гэтым чэмпіянаце.

Яна Раманко:

– Усе знаходзяцца пад вялікім уражаннем да гэтага часу. Гэта мерапрыемства выклікала буру эмоцый, падарыла новыя знаёмствы, уразіла цёплай атмасферай. Тут я адчувала сваю значнасць, ад чаго хацелася працаваць больш старанна, з’явілася яшчэ большае жаданне займацца добраахвотніцтвам. Вельмі прыемна, што запрасілі на чэмпіянат.

Ганна Місько:

– Мне вельмі спадабалася. Было вельмі цікава паўдзельнічаць у правядзенні чэмпіянату і мець зносіны з замежнымі спартсменамі. Гэта прынесла мора незабыўных эмоцый і знаёмстваў з новымі людзьмі. Чэмпіянат пакінуў цёплы след у сэрцы не толькі таму, што ў скарбонцы нашай краіны стала на 8 медалёў больш, але і таму, што кожны выхад беларусаў на гонку быў доўгачаканым і суправаджаўся бясконцай падтрымкай балельшчыкаў.

Усе валанцёры з вялікім нецярпеннем чакаюць Другіх Еўрапейскіх гульняў у Мінску, каб зноў адчуць гэтыя неверагодныя эмоцыі і ўсвядоміць сваю значнасць у гэтай вялікай справе.

Ангеліна Фурсевіч, студэнтка 2-га курса філалагічнага факультэта БрДУ імя А.С. Пушкіна

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта