У рытме «Арт-вакацый»

Фінал рэспубліканскага агляду-конкурсу мастацкіх калектываў і індывідуальных выканаўцаў «Арт-вакацыi–2018» праходзіў у Магілёве 25–26 мая. Наш універсітэт на ім прадстаўлялі вакальная студыя эстрадных спеваў «Ступені», кіраўнік вакальнай студыі Ларыса Борсук і старшыня студэнцкага самакіравання гістарычнага факультэта Дзмітрый Баранаў, а таксама кіраўнік дэлегацыі, прарэктар па выхаваўчай працы БрДУ Таццяна Сакалова. На прафарыентацыйнай пляцоўцы ад нашай alma mater працавалі адказны сакратар прыёмнай камісіі ўніверсітэта Дзмітрый Грыцук і старшы выкладчык кафедры алгебры, геаметрыі і матэматычнага мадэлявання Марына Кот.

Праца творчай, інтэрактыўнай і прафарыентацыйнай пляцовак, цырымонія ўзнагароджання пераможцаў і прызёраў фестывалю і гала-канцэрт – у рытме «Арт-вакацый» студэнцкая моладзь жыла два дні. За гэты час рабяты паўдзельнічалі ў акцыях і наведалі розныя ўстановы адукацыі і культуры, а таксама сустрэліся з Міністрам адукацыі Ігарам Карпенкам. Ігар Васільевіч адзначыў, што «Арт-вакацыi» – гэта інструмент, які дазваляе моладзі рэалізоўваць свае таленты, набываць упэўненасць у сваіх сілах і шукаць правільную дарогу ў жыцці.

Нашы студэнты, а таксама навучэнцы іншых вышэйшых навучальных устаноў краіны прадставілі свае творчыя нумары ў насычанай канцэртнай праграме «Моладзь і творчасць – гісторыя будучыні». Юныя таленты выступілі ў розных жанрах – ад вакальных нумароў да спартыўных шоу, у якіх народныя матывы змяняліся сучаснымі, а класічная харэаграфія – акрабатыкай.

Паводле слоў студэнтаў БрДУ, фестываль не толькі дае магчымасць праявіць свае здольнасці, але і фарміруе ў моладзі грамадзянскасць і нацыянальную самасвядомасць.

Установа адукацыі «БрДУ імя А.С. Пушкіна» ўзнагароджана дыпломам удзельніка.

Дыпломамі І ступені ўзнагароджаны:

• Мужчынская вакальная група «Рух» ў намінацыі «Вакальная група акадэмічнага напрамку»;
• Дзмітрый Машчук, саліст вакальнай студыі эстрадных спеваў «Ступені», у намінацыі «Аўтар-выканаўца вакальнага твора»;
• Аляксандр Журовіч, саліст вакальнай студыі эстрадных спеваў «Ступені», у намінацыі «Аўтар-выканаўца вакальнага твора»;
• Уладзіслава Панфёрава ў намінацыі «Аўтар-выканаўца паэтычнага твора».

Дыпломамі ІІ ступені ўзнагароджаны:

• Сафія Удовенка, салістка вакальнай студыі эстрадных спеваў «Ступені», у намінацыі «Выканаўца ролі»;
• Кацярына Балабановіч, Павел Аліхвер, Данііл Віркоўскі, Уладзіслаў Паўлюковіч, Алёна Ліцук у намінацыі «Канферанс»;
• Студыя вакальнага спеваў «ViVa» ў намінацыі «Ансамбль народнай песні»;
• Вакальная студыя эстрадных спеваў «Ступені» ў намінацыі «Ансамбль эстраднай песні»;
• Студыя вакальнага спеваў «ViVa» (Андрэй Пракапчук і Ксенія Пухнарэвіч), зборная факультэтаў УА «БрДУ імя А.С. Пушкіна» ў намінацыі «Калектыў моладзевых танцавальных напрамкаў»;
• Студыя сучаснага танца «One way» у намінацыі «Калектыў моладзевых танцавальных напрамкаў»;
• Мікалай Вабішчэвіч, саліст вакальнай студыі эстрадных спеваў «Ступені», у намінацыі «Саліст-вакаліст эстраднага напрамку»;
• Аліса Дземяшчук у намінацыі «Танец-сола»;
• Цімафей Стаін у намінацыі «Танец-сола».

Дыпломамі ІІІ ступені ўзнагароджаны:

• Танцавальны калектыў «Рытм» у намінацыі «Ансамбль эстраднага танца»;
• Група спартыўнага танца «Грацыя» ў намінацыі «Калектыў сучаснага арыгінальнага жанру»;
• Святлана Мацюк, удзельніца тэатральнага гуртка «Эпізод У-нескладовік», у намінацыі «Рэцытацыя»;
• Павел Канановіч, Настасся Пашкавец, Яніна Вецік, Вікторыя Засімук, Анастасія Куншцель, удзельнікі тэатральнага гуртка «Эпізод У-нескладовік», у намінацыі «Рэцытацыя»;
• Святлана Жыгар, удзельніца тэатральнага гуртка «Эпізод У-нескладовік», у намінацыі «Рэцытацыя»;
• Анастасія Куншцель, удзельніца тэатральнага гуртка «Эпізод У-нескладовік», у намінацыі «Рэцытацыя»;
• Яніна Вецік, удзельніца тэатральнага гуртка «Эпізод У-нескладовік», у намінацыі «Рэцытацыя»;
• Гурток дэкаратыўна-прыкладнога мастацтва «Повязь» у намінацыі «Тэатр моды».

Віншуем пераможцаў і жадаем новых творчых поспехаў!

Юлія Воўк, рэдактар студэнцкага клуба