Сустрэча з першым намеснікам Міністра адукацыі Рэспублікі Беларусь Ірынай Старавойтавай

4 жніўня адбылася сустрэча першага намесніка Міністра адукацыі Рэспублікі Беларусь Ірыны Старавойтавай з кіраўніцтвам і прафесарска-выкладчыцкім складам Брэсцкага дзяржаўнага ўніверсітэта імя А. С. Пушкіна. На мерапрыемстве таксама прысутнічалі першы намеснік начальніка галоўнага ўпраўлення адукацыі Брэсцкага аблвыканкама Аляксандр Жук, рэктар  Брэсцкага дзяржаўнага тэхнічнага ўніверсітэта Аляксандр Бахановіч і прарэктар па выхаваўчай працы БрДТУ Наталля Ялавая.

Ва ўступным слове Ірына Старавойтава адзначыла, што напярэдадні Рэспубліканскага падагагічнага савета ёсць магчымасць на месцах абмеркаваць пытанні павышэння якасці сістэмы адукацыі і выслухаць прапановы па яе ўдасканаленні.

Ірына Анатольеўна акцэнтавала ўвагу на тым, што ўніверсітэты ажыццяўляюць прафесійную падрыхтоўку канкурэнтаздольных спецыялістаў, арыентуючыся на асобу кожнага навучэнца. У новым навучальным годзе працягнецца ўдасканаленне адукацыйнага кантэнту, умацаванне ўстаноў адукацыі высокакваліфікаванымі кадрамі, узмацненне навукова-даследчай працы студэнтаў і актыўнае развіццё сістэмы студэнцкага самакіравання. Асаблівую ўвагу, лічыць намеснік міністра,  неабходна звярнуць на фарміраванне духоўна-маральных і грамадзянска-патрыятычных якасцяў асобы навучэнцаў. Сучасныя студэнты павінны быць высокаадукаванымі, мабільнымі, канструктыўнымі, адказнымі за сябе і за краіну, у якой жывуць, вучацца, ствараюць сем’і.

На думку Ірыны Старавойтавай, у цяперашніх умовах вельмі важна ўзмацніць працу з моладдзю ў сацыяльных сетках: створаныя групы, каналы павінны функцыянаваць у інтарэсах студэнтаў. Неабходна таксама актывізаваць працу педагогаў універсітэтаў з сем’ямі. На першым плане павінны заставацца пытанні бяспекі жыцця, фізічнага і псіхічнага здароўя студэнтаў.

Ірына Анатольеўна сцісла расказала пра стан спраў на ўсіх узроўнях сістэмы адукацыі і пра тое новае, што плануецца ўвесці ў Кодэкс аб адукацыі. Як лічыць Ірына Старавойтава, дыстанцыйны фармат навучання не можа замяніць прамых зносін з педагогам.

У працэсе сустрэчы актуальнае пытанне закранула рэктар БрДУ імя А. С. Пушкіна Ганна Сендзер: як прыцягнуць больш маладых людзей да паступлення ў аспірантуру, да навукова-даследчай дзейнасці. Актыўную дыскусію выклікалі пытанні мэтавага набору, уступнай кампаніі, замацавання маладых спецыялістаў на месцах і інш. Выкладчыкаў універсітэта хвалявала праблема арганізацыі працы замежных навучэнцаў у студэнцкіх атрадах у летні перыяд.

У канцы сустрэчы-дыялогу Ірына Старавойтава падзякавала ўсім за шчырую размову і выказала ўпэўненасць, што выкладчыкі ўніверсітэта ганарацца сваёй прафесіяй і працуюць на карысць нашай краіны.

Юлія Воўк, студэнцкі клуб

Портал информационной поддержки экспорта

Официальный сайт о высшем образовании в Республике Беларусь для иностранных граждан

Информационно-консультационный центр по вопросам получения образования и пребывания в Республике Беларусь

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Дніпропетровський національний університет імені Олеся Гончара
Университет гражданской защиты МЧС Беларуси
Могилевский государственный университет имени А. А. Кулешова
Могилевский государственный университет продовольствия
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта