Сустрэча воінаў-інтэрнацыяналістаў са студэнтамі псіхолага-педагагічнага факультэта

За спиною и горы, и горе
За спиною военный Афган
И строкой автоматною вторит
Эхо долгое, прячась в туман.
За спиною погибшие души
И пропавшие души ребят
И мы с болью еще будем слушать
Эхо долгое, глядя назад.

19 лютага 2019 года на псіхолага-педагагічным факультэце пры ўдзеле патрыятычнага атрада «Юпітэр» (кіраўнік – Цыбаева Любоў Аляксееўна, дацэнт кафедры псіхалогіі) прайшло мерапрыемства, прысвечанае 30-годдзю з дня вываду савецкіх войскаў з тэрыторыі Афганістана.

Час усё больш і больш аддаляе нас, якія жывуць у ХХI стагоддзі, ад стагоддзя мінулага з яго эпахальнымі падзеямі, што застануцца ў памяці наступных пакаленняў. Воіны-інтэрнацыяналісты з’яўляюцца прыкладам грамадзянскага подзвігу і служэння сваёй Айчыне.

На факультэце адбылася літаратурна-музычная гасцёўня «Не дзеля славы і ўзнагарод», у якой прынялі ўдзел старшыня Брэсцкай гарадской арганізацыі «Беларускі саюз ветэранаў вайны ў Афганістане» Сяргей Уладзіміравіч Пухальскі і падпалкоўнік, лётчык першага класа Цыбаеў Уладзімір Фёдаравіч.

Удзельнікі вайны падзяліліся са студэнтамі ўспамінамі аб трагічных падзеях, што расцягнуліся на доўгія 10 гадоў. У гэтай вайне ўдзельнічалі і жыхары нашага горада, якія з гонарам выканалі свой інтэрнацыянальны абавязак.

Псіхолага-педагагічны факультэт