Спартыўная аэробіка прыходзіць у школу

14 снежня 2017 года на базе ДУА «Сярэдняя школа № 3 г. Брэста» адбыўся вучэбна-метадычны семінар і майстар-клас «Аэробіка ва ўрочнай і няўрочнай формах заняткаў па фізічнай культуры школьнікаў устаноў агульнай сярэдняй адукацыі» для настаўнікаў фізічнай культуры Маскоўскага раёна г. Брэста. Мерапрыемства праводзілася сумесна з аддзелам адукацыі, спорту і турызму Маскоўскага раёна г. Брэста, ДУА «Сярэдняя школа № 3 г. Брэста» і кафедрай спартыўных дысцыплін і методык іх выкладання УА «Брэсцкі дзяржаўны ўніверсітэт імя А.С. Пушкіна».

Спартыўная аэробіка ўключана ў новыя праграмы па вучэбным прадмеце «Фізічная культура і здароўе» (варыянтны кампанент V-IX класаў і інварыянтны і варыянтны кампанент X-XI класаў). Прадметам форуму з’явіліся праблемы ўкаранення спартыўнай аэробікі ў вучэбны і невучэбны працэс па фізічнай культуры.

На лекцыях у вучэбным класе з прэзентацыйным матэрыялам, а затым і ў спартыўнай зале школы прайшло прамое навучанне і дыялог прафесарска-выкладчыцкага складу кафедры спартыўных дысцыплін і методык іх выкладання з настаўнікамі фізічнай культуры раённага метадычнага аб’яднання і навучэнцамі сярэдніх і старэйшых класаў ДУА «Сярэдняя школа № 3 г. Брэста».

Вядучыя спецыялісты ў галіне аэробнай гімнастыкі Бяспутчык У.Г., Цітова Л.С., Ляховіч А.М., Ярмалюк В.А., Якубовіч С.К. на сваіх майстар-класах падзяліліся вопытам, ведамі, тэхналогіямі навучання школьнікаў спартыўнай аэробіцы.

Да развучвання базавых элементаў спартыўнай аэробікі таксама былі далучаны студэнты факультэта фізічнага выхавання, якія займаюцца ў секцыі спартыўнай аэробікі нашага ўніверсітэта. Яны ж і прадэманстравалі сваё майстэрства ў паказальных выступленнях.

Кафедра спартыўных дысцыплін і методык іх выкладання