Штогадовае фальклорна-краязнаўчае свята «Ад прадзедаў спакон вякоў…»

14 кастрычніка 2017 года на філалагічным факультэце адбылося чарговае Фальклорна-краязнаўчае свята «Ад прадзедаў спакон вякоў…» Арганізатарамі cвята выступілі студэнцкая навукова-даследчая лабараторыя «Фалькларыстыка і краязнаўства» і кафедра рускай літаратуры і журналістыкі. У праграме фальклорна-краязнаўчага свята – праведзеная студэнтамі 2 курса філалагічнага факультэта рэканструкцыя абрадаў, спевы, танцы, карагоды, прэзентацыя фальклорна-краязнаўчых матэрыялаў, зафіксаваных падчас студэнцкай вучэбнай фальклорнай практыкі 2017 г.

Адкрыла свята кіраўнік студэнцкай навукова-даследчай лабараторыі «Фалькларыстыка і краязнаўства» і ініцыятар правядзення штогадовых фальклорна-краязнаўчых святаў прафесар Іна Анатольеўна Швед. Яна падкрэсліла важнасць фіксацыі і захавання культурнай спадчыны Берасцейшчыны (якая адметная добрай захаванасцю старажытных элементаў), а таксама значнасць неперарыўнай трансляцыі традыцыйнай культуры для патрыятычнага выхавання моладзі. І.А. Швед прадставіла студэнцкія публікацыі па выніках палявых даследаванняў, зробленыя ў краязнаўчым альманаху «Астрамечаўскі рукапіс», навуковым кансультантам якога яна з’яўляецца. З прывітальным словам удзельнікам свята выступіла дэкан філалагічнага факультэта Таццяна Васільеўна Сянькевіч, якая адзначыла, што такія мерапрыемствы спрыяюць нацыянальна-культурнай самаідэнтыфікацыі беларусаў, ствараюць умовы для фарміравання ў студэнтаў агульнакультурнай кампетэнцыі. Паколькі на свяце прысутнічалі замежныя студэнты, Т.В. Сянькевіч выказала спадзеў, што іх знаёмства са скарбамі беларускай культуры працягнецца, і яны змогуць асабіста пазнаёміцца з носьбітамі традыцыйнай культуры, убачыць цікавыя мясціны гасціннай Берасцейшчыны.

Асаблівую цікавасць у гасцей, сярод якіх былі навучэнцы Рэсурснага цэнтра Брэсцкага абласнога ліцэя імя П.М. Машэрава, студэнты БДУ, настаўнікі – выпускнікі філалагічнага факультэта, выклікалі: выкананая студэнткай 2 курса спецыяльнасці «Беларуская філалогія» Анастасіяй Кандрацюк песня «А над рэчанькай…», перанятая ад  жыхаркі в. Кустын, рэканструкцыя купальскага абраду, а таксама аповеды студэнтаў аб сваіх уражаннях ад падарожжа на Століншчыну пад кіраўніцтвам І.А. Швед і В.М. Кавальчук.

Студэнцкая навукова-даследчая лабараторыя «Фалькларыстыка і краязнаўства»

 

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта