Семінар-трэнінг у межах міжнароднага праекта «Садзейнічанне развіццю кампетэнцый у беларускай вышэйшай адукацыі» (FOSTERC)

У рамках міжнароднага праекта «Садзейнічанне развіццю кампетэнцый у беларускай вышэйшай адукацыі» (FOSTERC) 21 лістапада 2017 года ў Брэсцкім дзяржаўным універсітэце імя А.С. Пушкіна прайшоў семінар-трэнінг, які быў прысвечаны інтэграцыі вышэйшай адукацыі ў Еўропе і асвятляў асноўныя пытанні распрацоўкі адукацыйных праграм вышэйшай адукацыі на аснове кампетэнтнаснага падыходу.

З боку еўрапейскіх партнёраў у семінары-трэнінгу прынялі ўдзел эксперты з Політэхнічнага ўніверсітэта Валенсіі (Іспанія), Універсітэта Турку (Фінляндыя), Літоўскага ўніверсітэта адукацыйных навук (Літва) і Універсітэта Беластока (Польшча).

Удзельнікамі семінара сталі дэканы, загадчыкі кафедраў і прадстаўнікі факультэтаў, якія займаюцца распрацоўкай навучальных праграм, а таксама прадстаўнікі аддзела адукацыі, спорту і турызму адміністрацыі Ленінскага раёна г. Брэста.

Прысутных прывітаў прарэктар па навуковай працы БрДУ імя А.С. Пушкіна А.Я. Будзько, які расказаў пра месца ўніверсітэта ў сістэме вышэйшай адукацыі Беларусі, пра формы і тэндэнцыі міжнароднага супрацоўніцтва БрДУ.

Удзельнік праектнай каманды, дэкан факультэта замежных моў С.М. Севярын прадставіў даклад аб праблемах і перспектывах інтэграцыі Рэспублікі Беларусь у еўрапейскую прастору вышэйшай адукацыі. Ён адзначыў неабходнасць рэалізацыі трансдысцыплінарнага, міждысцыплінарнага і метапрадметнага падыходаў, актуальных для Балонскай сістэмы, пры праектаванні кампетэнтнаснай мадэлі вышэйшай педагагічнай адукацыі ў Рэспубліцы Беларусь.

У дакладзе доктара Хасэ Фелікса Лазана (Іспанія) прагучалі асноўныя тэарэтычныя палажэнні кампетэнтнаснага падыходу ў еўрапейскай прасторы вышэйшай адукацыі.

Доктар Катажына Шорц (Польшча) расказала аб еўрапейскай сістэме пераносу заліковых адзінак (ECTS) і пазнаёміла ўдзельнікаў семінара з рэалізацыяй гэтай сістэмы ва Універсітэце Беластока.

Асаблівую практычную цікавасць прысутных выклікаў даклад калегаў з Літвы, доктара Юргі Цыбулскене і доктара Ангеле Каўшылене, у якім былі пададзены дзесяць этапаў распрацоўкі адукацыйнай праграмы ў рэчышчы кампетэнтнаснага падыходу.

Доктар Енні Канкаанпяа (Фінляндыя) спынілася на змесце і спосабах ацэнкі вынікаў навучання, якія дазваляюць рэалізаваць асобасна-арыентаваны падыход у еўрапейскай сістэме вышэйшай адукацыі.

Безумоўна, цікавым і інфарматыўным для ўсіх удзельнікаў семінара быў яго тэарэтычны блок, дзе ўсе маглі пераканацца ў высокім узроўні кампетэнтнасці трэнераў і экспертаў. Вельмі плённая стала і практычная праца ў групах, дзе выкладчыкі змаглі выкарыстаць прадстаўленую інфармацыю ў працэсе праектавання адукацыйнай праграмы ў кантэксце кампетэнтнаснага падыходу. Якаснай працы спрыялі распрацаваныя трэнерамі раздатачныя матэрыялы, а таксама суправаджэнне і аператыўная дапамога экспертаў.

На семінары была створана вельмі спрыяльная атмасфера, якая аб’ядноўвала намаганні ўсіх яго ўдзельнікаў, спрыяла канструктыўнаму ўзаемадзеянню і паспяховаму дасягненню пастаўленых мэтаў. З упэўненасцю можна сцвярджаць: семінар атрымаўся выніковым, цікавым і карысным. Каштоўнасць семінара бачыцца і ў тым, што ён вызначыў контуры, перспектывы далейшай працы нашых ВНУ па рэалізацыі дарожнай карты інтэграцыі Рэспублікі Беларусь у еўрапейскую прастору вышэйшай адукацыі, дазволіў пазнаёміцца з інавацыйным вопытам вырашэння многіх практычных праблем у аспекце праектавання адукацыйных праграм і педагагічных сістэм ва ўмовах рэалізацыі кампетэнтнаснай мадэлі вышэйшай адукацыі.

Кавальчук Таццяна Аляксандраўна,
загадчык кафедры педагогікі

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта