Прафесійны дэбют

9 красавіка 2018 года стартаваў універсітэцкі конкурс «Прафесійны дэбют» для выкладчыкаў – маладых спецыялістаў. Конкурс праводзіцца Навукова-метадычнай радай універсітэта з 2012 года з мэтай укаранення перадавога вопыту праектавання і правядзення вучэбных заняткаў, стымулявання маладых педагогаў да павышэння прафесійнай кампетэнтнасці, стварэння ўмоў для іх прафесійнай і асобаснай самарэалізацыі, усведамлення імі каштоўнасна-мэтавых прыярытэтаў у прафесійным станаўленні.

У 2018 годзе ў конкурсе ўдзельнічаюць:

• Герасімук Цімафей Віктаравіч, выкладчык кафедры эканомікі і кіравання;
• Кірысюк Юлія Віктараўна, выкладчык кафедры заалогіі і генетыкі;
• Нікіціна Надзея Яўгенаўна, кандыдат філалагічных навук, выкладчык кафедры агульнага і рускага мовазнаўства;
• Саванеўская Алена Мікалаеўна, выкладчык кафедры анатоміі, фізіялогіі і бяспекі чалавека;
• Самасюк Надзея Віктараўна, кандыдат культуралогіі, старшы выкладчык кафедры гісторыі славянскіх народаў;
• Трафімчук Дзяніс Анатольевіч, выкладчык кафедры турызму і краіназнаўства;
• Трафімчук Таццяна Юр’еўна, кандыдат мастацтвазнаўства, старшы выкладчык кафедры сацыяльнай працы;
• Ульяніцкая-Гамянюк Лілія Вячаславаўна, выкладчык кафедры англійскай філалогіі.

Конкурс «Прафесійны дэбют» праводзіцца ў тры этапы. Першы этап конкурсу – педагагічная прэзентацыя «Маё прафесійнае крэда» – адбудзецца 11.04.2018 у 15.00 у аўд. 317 навучальнага корпуса № 1. На другім этапе канкурсанты праводзяць адкрытыя практычныя або лабараторныя заняткі (графік правядзення конкурсных навучальных заняткаў). На трэцім этапе (30.05.2018 у 15.00 у аўд. 317 навучальнага корпуса № 1) удзельнікамі выконваюцца конкурсныя заданні, распрацаваныя членамі аргкамітэта конкурсу.

Запрашаем выкладчыкаў і студэнтаў універсітэта падтрымаць канкурсантаў!

Навукова-метадычная рада