Поспех на ўніверсіядзе па кулявой стральбе

З 16 па 18 чэрвеня ў Брэсце прайшлі спаборніцтвы Рэспубліканскай універсіяды-2017 па кулявой стральбе.

У адпаведнасці з праграмай спаборніцтваў у першы дзень праходзіла прыстрэлка зброі ў зале стралковага ціра Брэсцкай абласной школы найвышэйшага спартыўнага майстэрства.

17 чэрвеня рабяты выконвалі практыкаванне ПП-3: 60 заліковых стрэлаў з пісталета пнеўматычнага, дыстанцыя 10 метраў, мішэнь № 9 (дыяметр чорнага круга 59,5 мм, дыяметр «дзясяткі» 11,5 мм). Час на выкананне практыкавання – 1 гадзіна 15 хвілін. У гэты ж дзень дзяўчаты выконвалі практыкаванне ВП-4: стральба стоячы, 40 стрэлаў з вінтоўкі пнеўматычнай, дыстанцыя 10 метраў, мішэнь № 8 (дыяметр чорнага круга 30,5 мм, памер «дзясяткі» 5 мм). Час на выкананне практыкавання – 60 хвілін.

18 чэрвеня рабяты выконвалі практыкаванне ВП-6: стральба стоячы, 60 стрэлаў з вінтоўкі пнеўматычнай, дыстанцыя 10 метраў, мішэнь № 8. Час на выкананне практыкавання – 1 гадзіна 15 хвілін. Дзяўчыны выконвалі практыкаванне ПП-2: 40 стрэлаў з пісталета пнеўматычнага, дыстанцыя 10 метраў, мішэнь № 9. Час на выкананне практыкавання 50 хвілін.

Агульнакаманднае першынства вызначалася па найбольшай суме балаў, набраных ў асабістых нумарах праграмы па наступнай схеме: за першае месца налічваецца 15 балаў, за другое месца – 10 балаў, за трэцяе – 8 і г.д. Пры роўнасці ачкоў перавагу атрымлівае каманда, якая мае большую колькасць першых, другіх, трэціх і г.д. месцаў.

Па выніках спаборніцтваў зборная нашага ўніверсітэта заваявала другое месца. У асабістым першынстве ўсе нашы спартсмены падымаліся на п’едэстал гонару:

  • Леанавец Надзея (майстар спорту, юрыдычны факультэт) – 1 месца ў стральбе з пнеўматычнага пісталета;
  • Чарноў Уладзімір (майстар спорту, факультэт фізічнага выхавання) – 1 месца ў стральбе з пнеўматычнай вінтоўкі;
  • Дзікая Яўгенія (майстар спорту міжнароднага класа, факультэт фізічнага выхавання) – 2 месца ў стральбе з пнеўматычнай вінтоўкі;
  • Матусевіч Яўген (майстар спорту, факультэт фізічнага выхавання) – 2 месца ў стральбе з пнеўматычнага пісталета;
  • Склізкоў Дзяніс (кандыдат у майстры спорту, гістарычны факультэт) – 3 месца ў стральбе з пнеўматычнага пісталета.

Віншуем! Малайцы!

Інфармацыю падрыхтавала Ірына Кузьміч (філалагічны факультэт)
па матэрыялах факультэта фізічнага выхавання і спартклуба

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта