Беларусь – Азербайджан: супрацоўніцтва ў галіне моладзевай палітыкі

Дні моладзі Азербайджана ў Беларусі прайшлі ў Брэсце — ў адпаведнасці з сумесным планам мерапрыемстваў Міністэрства адукацыі Беларусі і Міністэрства моладзі і спорту Азербайджана ў сферы дзяржаўнай моладзевай палітыкі на 2018–2019 гг.

З візітам у Брэсцкі дзяржаўны ўніверсітэт імя А. С. Пушкіна для ўдзелу ў адкрытым дыялогу з беларускай і азербайджанскай моладдзю прыбылі Міністр адукацыі Беларусі Ігар Карпенка, намеснік Міністра моладзі і спорту Азербайджана Інтыгам Бабаеў, намеснік старшыні Брэсцкага аблвыканкама Генадзь Барысюк і рэктар Брэсцкага дзяржаўнага тэхнічнага ўніверсітэта Аляксандр Драган.

Прадставіўшы паважаных гасцей студэнцкай моладзі, рэктар БрДУ Ганна Сендзер зрабіла экскурс у гісторыю нашага ўніверсітэта, а затым дала слова Ігару Карпенку.

У прывітанні Міністр адукацыі адзначыў сімвалічнасць правядзення Дзён моладзі ў знамянальны для горада над Бугам і краіны год 75-годдзя вызвалення Беларусі ад нямецка-фашысцкіх захопнікаў і 1000-годдзя Брэста. «У наступным годзе ў рамках Саюзнай дзяржавы плануецца даць старт цягніку Брэст – Уладзівасток, прымеркаванаму да 75-й гадавіны Вялікай Перамогі», – сказаў Ігар Васільевіч.

Міністр адукацыі падкрэсліў, што Беларусь і Азербайджан звязваюць трывалыя повязі супрацоўніцтва, чаму ў немалой ступені спрыяе моцная палітычная воля лідараў абедзвюх краін, якія, дарэчы, не проста калегі, але і сябры.

Звяртаючыся да прысутных, Інтыгам Бабаеў выказаў падзяку за цёплы прыём і падзяліўся ўражаннямі ад візіту ў абласны цэнтр. Ён ахарактарызаваў Брэст як сучасны горад з развітой інфраструктурай і багатай гісторыка-культурнай спадчынай і акцэнтаваў увагу на тым, што на плячах моладзі ляжыць адказная місія па яе захаванні, прымнажэнні і перадачы наступным пакаленням.

Студэнты, карыстаючыся магчымасцю пагутарыць з прадстаўнікамі выканаўчай улады абедзвюх дзяржаў, актыўна задавалі пытанні. Эканоміка, адукацыя, занятасць, моладзевая палітыка і ІТ-сфера – гэтыя і іншыя тэмы закранулі навучэнцы.

Адказваючы на пытанне аб тым, што з’яўляецца галоўным сувязным звяном супрацоўніцтва паміж Беларуссю і Азербайджанам, Ігар Карпенка адзначыў: «Мы былі часткай адной вялікай краіны, у нас ёсць гістарычныя карані і сувязі. Гэта наклала свой адбітак на сучасныя адносіны паміж нашымі дзяржавамі». Сённяшняе мерапрыемства – яркае пацвярджэнне цёплых узаемаадносін Беларусі і Азербайджана. «Моладзі трэба гэтыя злучальныя ніткі ўмацоўваць», – упэўнены Міністр адукацыі нашай краіны.

У ходзе адкрытага дыялогу абмяркоўваліся праблемы сістэмы адукацыі і сучаснай школы. Ігар Васільевіч патлумачыў прывабнасць адукацыі ў нашай рэспубліцы для замежных грамадзян такімі фактарамі, як высокае якасць адукацыі, мабільнасць, функцыянаванне прызнаных ва ўсім свеце навуковых школ, прыхільнасць гуманістычным традыцыям, а таксама міралюбная палітыка Беларусі.

У сувязі з тым, што ў БрДУ інтэнсіўна развіваецца валанцёрскі рух, навучэнцы пацікавіліся ў Інтыгама Бабаева аб гэтым напрамку дзейнасці моладзі ў Азербайджане. Інтыгам Вагіфавіч сказаў, што на яго радзіме Нацыянальны банк валанцёраў налічвае больш за 20 тыс. чалавек. «Мы лічым, што валанцёрства – складовая частка патрыятычнага выхавання, – паведаміў ён. – Гэта добры вопыт, калі злучаюцца дабравольніцтва, патрыятызм і грамадзянскі абавязак».

Інтыгам Бабаеў падкрэсліў, што ў Азербайджанскай Рэспубліцы шмат увагі надаецца моладзевай палітыцы. Гэта яскрава дэманструе і сённяшняя сустрэча, а таксама форум азербайджанскай моладзі, які праводзіцца кожныя тры гады. «Дэлегаты абменьваюцца вопытам, выказваюць пажаданні, якія нярэдка задаюць напрамкі наступных форумаў», – сказаў ён.

Парадавала ганаровых гасцей пытанне студэнта БрДУ азербайджанца Фаніля Агаева. Малады чалавек спытаў пра беларускую дыяспару на яго радзіме. Інтыгам Бабаеў сказаў, што, хоць дыяспары няма, у краіне пражывае шмат беларусаў, актыўна працуе пасольства Рэспублікі Беларусь у Азербайджане.

У канцы сустрэчы рэктар БрДУ Ганна Сендзер падзякавала ганаровым гасцям за візіт. Намеснік Міністра моладзі і спорту Азербайджана Інтыгам Бабаеў пакінуў цёплыя пажаданні ў кнізе ганаровых гасцей. Завяршыліся Дні моладзі Азербайджанскай Рэспублікі ў Рэспубліцы Беларусь святочным канцэртам у Брэсцкім дзяржаўным абласным цэнтры моладзевай творчасці.

Юлія Воўк

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта