Адкрытая размова з губернатарам

3 сакавіка 2017 года старшыня Брэсцкага абласнога выканаўчага камітэта А.В. Ліс наведаў Брэсцкі дзяржаўны ўніверсітэт імя А.С. Пушкіна і сустрэўся са студэнцтвам.

Выступленне губернатара Брэсцкай вобласці было прысвечана сацыяльна-эканамічнаму развіццю рэгіёна ў 2016 годзе і планам развіцця эканомікі на 2017 год, а таксама вялікай нарадзе, што рыхтуецца па названым пытанні на ўзроўні Прэзідэнта Рэспублікі Беларусь. «Унутраны рэгіянальны прадукт (УРП) склаў 9 млрд. руб., вялікая доля якога прыпадае на прамысловасць і сельскую гаспадарку. У 2016 годзе прайшла мадэрнізацыя вытворчасці, у вобласці былі адкрыты новыя прадпрыемствы. Спецыялісты вобласці правялі будаўнічыя работы не толькі ў нашым рэгіёне, але і на многіх будаўнічых аб’ектах краіны, у Расіі і Туркменістане. Сярэдняя заработная плата па Брэсцкай вобласці ў 2016 годзе склала 621,80 руб., створана звыш 7,5 тыс. новых працоўных месцаў» – адзначыў Анатоль Васільевіч.

Студэнты ўніверсітэта актыўна цікавіліся ў губернатара магчымасцю адкрыцця новых прадпрыемстваў, далейшымі перспектывамі развіцця эканомікі, у тым ліку знешняга і ўнутранага рынку, значэннем вышэйшай адукацыі, развіццём сацыяльнай сферы, сямейнай палітыкай, міграцыйнымі працэсамі, турызмам, будаўніцтвам новых спартыўных аб’ектаў і магчымасцю правядзення спаборніцтваў на спартыўных аб’ектах Брэсцкай вобласці.

Так, студэнтка 4 курса геаграфічнага факультэта А. Нагорная, як будучы малады спецыяліст, цікавілася эфектыўнымі мерамі па прыцягненні маладых спецыялістаў у сельскую мясцовасць, а студэнтка 4 курса сацыяльна-педагагічнага факультэта І. Цярковіч пыталася аб найбольш запатрабаваных спецыялістах.

Музычны падарунак удзельнікам сустрэчы выканалі загадчык студэнцкага клуба К.А. Граноўская і студэнцкі калектыў «Рух» у асобе М. Вабішчэвіча, Ф. Мартыновіча і Д. Машчука.

На заканчэнне сустрэчы рэктар універсітэта, доктар педагагічных навук, прафесар Г.М. Сендзер падзякавала А.В. Лісу за магчымасць правядзення сустрэчы і ад асобы студэнцтва нашага ўніверсітэта паднесла старшыні аблвыканкама памятны падарунак, выкананы студэнтамі псіхолага-педагагічнага факультэта.

Р.В. Чуль, старшыня прафкама студэнтаў

Барановичский государственный университет
Белорусская государственная академия искусств
Белорусская медицинская академия последипломного образования
Белорусский государственный медицинский университет
Белорусский государственный университет транспорта
Белорусский государственный экономический университет
Брестская областная библиотека имени М. Горького
Витебский государственный ордена Дружбы народов медицинский университет
Витебский государственный технологический университет
Витебский государственный университет имени П. М. Машерова
Гомельский государственный технический университет имени П. О. Сухого
Гродненский государственный университет имени Я.Купалы
Университет гражданской защиты МЧС Беларуси
Могилевский государственный университет имени А. А. Кулешова
Белорусский государственный университет пищевых и химических технологий
Мозырский государственный педагогический университет имени И. П. Шамякина
Академия Министерства внутренних дел Республики Беларусь
Белорусская ассоциация студенческого спорта